Ougoed of hougoed
’n Tafel en ’n stoel ...
Lionel Cason van KwaZulu-Natal skryf Ek is die trotse eienaar van ’n 74cm hoë naaldwerktafel en hoekstoel, albei van die Verenigde Koninkryk. Is dit enigiets werd?
Anton Welz van Stephan Welz & Co.
antwoord Die naaldwerktafel lyk of dit Victoriaans is; sulke items is nie skaars nie en is gereeld te koop op veilings. Die blad het okkerneuthout-fineer, inlegwerk en ’n kruis-fineerrand, en as ek na die pote kyk, kom dit uit die laat-Victoriaanse tydperk. Sulke tafels se toestand kan ’n probleem wees, want die deksels van die kompartemente in die laaie raak dikwels weg, maar joune lyk of dit volledig is.
OUDERDOM 19de eeu, waarskynlik 1880–1890 WAARDE R2 500–R4 500 Dié stoel is Eduardiaans; dit kom uit die tydperk ná koningin Victoria se dood, toe meubels eenvoudiger was en minder krulversierings gehad het. So ’n stoel op sy eie is nie baie waardevol nie, veral noudat die mark vir meubels uit die 19de eeu besonder flou is. OUDERDOM 1910 WAARDE R600–R900 KONTAK stephanwelzandco.co.za