Geel hout
Erica Swart van Randburg skryf Wat kan ek doen om my vergeelde houtmeubels weer nuut te laat lyk? Ek verkies om die natuurlike voorkoms te hou en wil nie verf nie.
Frikkie Greeff, besturende direkteur
van Woodoc, antwoord Die vergeling waarna jy verwys, is die gevolg van die natuurlike oksidasieproses wat hout met veroudering ondergaan. Die enigste manier om daarvan ontslae te raak, is om die lagie hout wat vergeel het, af te skuur. Daarna word dit met ’n waterbasis-seëlaar verseël.
Ons beveel nie dié proses aan nie, aangesien jy in werklikheid niks wen vir al jou moeite nie – die hout sal weer mettertyd vergeel. Al permanente oplossing is om die hout se voorkoms te verbloem met ’n ondeursigtige oppervlaklaag, m.a.w. deur dit te verf, maar dit wil jy nie graag doen nie. Ek wens ons kon vir jou ’n kitsoplossing bied, maar ongelukkig moet ’n mens maar verlief neem met die natuurlike eienskappe van hout.
KONTAK 041 581 0109, woodoc.com >>