Vir twee kroonprinse

Somien Smit van Pretoria skryf Ek wil net ’n bietjie spog met my man se handewerk. Met ons derde seuntjie op pad het ons die oudste twee saam in een kamer geskuif. Dis nie ’n groot vertrek nie, daarom het ons besluit op stapelbedjies – wat my man self gebou het uit onder meer palethout en weggooi-gordynkappe. Al waarop ek geld moes spandeer, was lap vir die duvetoortreksels, asook ’n lampskerm wat ek vir R50 by ’n liefdadigheidswinkel gekoop en self oorgetrek het. Manlief het ’n tafeltjie gemaak uit ou bekistingborde. Die boeties is absoluut mal oor hul nuwe kamer, oftewel die “kasteel”, soos ons dit noem.