Ontmoet ons TOP-5!
Hier is die voorlopers in vanjaar se Regruk met Flair-kompetisie...
Sjoe. Dit was ’n moeilike besluit, maar hier is ons finaliste in vanjaar se Regruk met Flair-kompetisie. Daar was ’n indrukwekkende verskeidenheid inskrywings om van te kies, onder meer dié van Len en Faith du Plessis, wat met lesers se stemme tot die topvyf deurgedring het.
Al die finaliste se inskrywings is nagegaan, en die uitslag hang nou af van die opknappers se onderhoud met ons beoordelaars by die Regruk met Flair-gala in die Paarl (sien bladsy 46).
Die einde is in sig ... Volgende jaar is ons gewilde Regruk met Flair-kompetisie ook op die kassie! Hou VIA (kanaal 147 op DStv) dop vir besonderhede, koop Tuis, volg ons op Facebook of teken in op ons nuusbriewe vir verdere aankondigings.
Die wenner kry ’n produkbewys van R35 000 en die twee naaswenners kry elk ’n R4 000-produkbewys van BUCO en Timbercity.
Volgende jaar vier ons 10 jaar van Regruk met Flair-inspirasie. Inskrywings open in Maart – spring sommer nou weg!