Smulkos vir almal!
Almal hou van ’n smaaklike aandete – en ons vierpootvriende verdien ook so ’n bederf.
Wanneer jy ’n gesinsete berei, is geur en voedsaamheid die belangrikste oorwegings. Nie net vir die mense in die huis nie, maar ook vir jou dierekinders – hulle verdien mos kos wat met gehaltebestanddele berei is. Is jy bang dit ruk jou sak en vra baie moeite? Glad nie. Petley’s Gourmet Pet Food is geïnspireer deur jou troeteldier se natuurlike dieet en die resepte is saam met troeteldier-dieetkundiges ontwikkel.
Ons het twee van ons gunsteling-sjefs en groot diereliefhebbers, Vanessa Marx en James Diack, gevra om ’n hartlike maaltyd te skep wat die hele gesin kan geniet – maar voor jy weglê, maak ’n blik Petley’s vir die honde oop. Vanessa Marx is ’n bekroonde sjef wat by die toonaangewende Institute of Culinary Arts (ICA) in Stellenbosch opgelei is; sy het haar vakleerlingskap onder die MasterChef SA-beoordelaar Pete Goffe-Wood voltooi. Vanessa is passievol oor plaaslike produkte, asook om kos te maak volgens die seisoene. Sy het Elli, ’n driejarige Franse bulhond, aangeneem toe dié van die teler weggeneem moes word omdat die ander honde daar haar aangeval het.