Murgpampoentjies
met chermoula
Chermoula is ’n Marokkaanse sous of smeer wat heerlike geur verskaf aan hoender, vis of vegetariese geregte. Genoeg vir 4–6 porsies • Bereidingstyd: 30 minute • Gaarmaaktyd: 5–8 minute
• 800g groot murgpampoentjies
Chermoula
• 15ml olyfolie • 3 knoffelhuisies, gekneus • 10ml fyn komyn • 5ml paprika • 1 vars groen brandrissie, fyngekap • ’n hand vol koljanderblare, fyngekap • 60ml vars suurlemoensap • sout na smaak
1 Blansjeer die murgpampoentjies tot net gaar (nie pap nie). Sny hulle dan in die lengte middeldeur.
2 Meng al die bestanddele vir die chermoula saam tot ’n pasta. Roer dit deur die warm murgpampoentjies en sit voor teen kamertemperatuur.
Wenk
Vryf vleis, vis of hoender in met chermoula voordat dit gerooster word; dit kan ook ná die tyd saam met die gereg voorgesit word of by souse gevoeg word om die smaak te verbeter.