Tot op die been
Booth is vermoedelik dood in Bones se voorlaaste seisoen.
Seisoen 11 Maandae FOX (*125) 19:20 (vanaf 25 Julie)
Wat die identifisering van ’n slagoffer in die polisiereeks Bones (2005-nou) betref, kan dinge soms lastig raak, veral as die liggaam so ontbind is dat daar nie meer ’n gesig is nie! En Bones skram nie weg van al die bloederige details nie: fans sien alles van ’n slagoffer se ingewande wat uitspring tot bloederige vlees en vel wat afvrot. Maar vir die forensiese antropoloog Dr. Brennan, oftewel Bones (Emily Deschanel), en haar FBImaat en man, agent Booth (David Boreanaz), is om naby ’n lyk te wees niks nuuts nie en hulle roem hulle daarop om die moordenaar te vind. In seisoen 10 (2015) het dinge op ’n hartseer noot geëindig toe Bones en Booth albei hul werke by onderskeidelik die Jeffersonian en die FBI vaarwel toegeroep het, wat kykers laat wonder het wat gaan volgende gebeur. “Ons het nie momentum verloor in seisoen 11 nie,” verklap Emily. Sy maak nie ’n grap nie – in episode 1 word ’n liggaam geïdentifiseer as dié van Booth, maar iets is verdag!
MOENIE MISLOOP NIE
Die reeks, wat in 2017 eindig ná seisoen 12, het altyd interessante sake en hier is ’n paar storielyne om voor uit te kyk:
Op wiele
In episode 10 (26 September) word entomoloog Hodgins (TJ Thyne) beseer by ’n toneel toe ’n bom wat in die lyk van ’n polisieman geprop was, ontplof. Hodgins is in die hospitaal en in episode 11 (3 Oktober) sien ons hom in ’n rolstoel.
In episode 12 (10 Oktober) is Bones en kie op jag na ’n reeksmoordenaar wat sy slagoffers in sy eie persoonlike marionette omskep.
Die bekende a cappella- groep Pentatonix verskyn in episode 16 (17 Oktober) wanneer ’n student wat deel is van ’n a cappella-groep dood in ’n kampuslaboratorium gevind word.
Reeksmoordenaar Musikale gaskunstenaars Liefde in die lug
Dr. Saroyan (Tamara Taylor) en die intern Arastoo (Pej Vahdat) is terug by mekaar in episode 18 (31 Oktober) en besluit om die sprong te maak en te trou.