Black Sails
In die prettige sci-fi-komedie BrainDead (2016-nou) speel Mary Elizabeth Winstead Laurel, ’n dokumentêre fliekmaker wat vir haar politikusbroer werk. Maar Laurel weet nie die VSAregering is op die punt om geïnfiltreer te word deur breinvretende insekte nie, en sy word in die middel vasgevang . . .
Die gruwel-genre is niks nuuts vir die 31-jarige nie; sy het in The Ring Two (2005), Abraham Lincoln: Vampire Hunter (2012) en 10 Cloverfield Lane (2016) gespeel. Tog is sy by TV-fans die bekendste vir haar rol as die perfekte dogter Jessica Bennett in die sepie Passions (1999-2008) in 1999 en 2000. Om beroemd te wees was nie altyd ’n seën nie – in 2014 was sy een van die celebs by wie se foon ingebreek is en kaal persoonlike foto’s is op thefappening.so gepos. Daar is beroemdes in haar familie – Mary Elizabeth is verwant aan die Hollywood-legende Ava Gardner, wat met Mickey Rooney en Frank Sinatra getroud was voor sy in 1990 oorlede is. Sy is mal oor sosiale media en gebruik haar Twitter-rekening @M_E_Winstead om fans oor haar werk ingelig te hou, soos die inskrywing: “Ek het gedog #BrainDead het reeds vir die gekste toneel van my loopbaan gesorg, maar dit het homself oortref #justwaitandsee.” En as jy wonder wie die ou op die meeste van haar foto’s is, dis haar fliekregisseurman Riley Stearns. Hulle is in 2010 in Austin, Texas, getroud. Anders as baie aktrises weier Mary Elizabeth om brandmaer te wees. “Ek kom van Noord-Carolina, waar ons olierige, vetmakende kos eet. Ek hou daarvan om kurwes te hê. Die belangrikste ding vir my is net om gesond te wees,” sê sy.