Wie is Red John?
Patrick Jane is op die reeksmoordenaar Red John se spoor in seisoen 5 se slotepisode.
Seisoen 5 Woensdae (eindig op 17 Augustus) SABC3 (*193) 20:00
Die CBI (California Bureau of Investigation) se konsultant Patrick Jane (Simon Baker) is ’n man met net een doel voor oë – om die reeksmoordenaar Red John, wat sy vrou en dogter doodgemaak het, te vang. Red John laat altyd ’n skets van ’n glimlaggende gesig agter wat hy met sy slagoffers se bloed teken. Sedert sy handlanger Lorelei Martins (Emanuelle Chriqui) Jane in episode 8 (11 Mei) vertel het hy wat Jane is, het al Red John se hand geskud, het Jane ’n verdagtelys saamgestel. In episode 22 (17 Augustus) sny Jane sy lys van 2 164 tot 7. Maar daar is ’n groot bederfbrokkie! Red John laat Jane weet hy weet klaar wie die 7 name op sy lys is. En hy gaan weer moor tot Jane hom vang. Simon sê: “Red John is desperaat om ’n verhouding met Jane te hê. Hy sal sy lewe in gevaar stel om na aan hom te kom.”
DIE RED JOHN-VERDAGTES
In episode 22 kry Jane ’n DVD van Red John waarop Lorelei die name uitlees:
Bret Stiles (Malcolm McDowell):
Die leier van die Vizualize Self- Realizationsentrum wat ons in seisoen 2 (2009) ontmoet het toe hy ’n verdagte in ’n moordsaak was.
Gale Bertram (Michael Gaston):
Direkteur van die CBI. Ons het Gale in seisoen 3 (2010) leer ken toe hy as Kalifornië se adjunk-prokureurgeneraal aangestel is.
Raymond Haffner (Reed Diamond):
Die oud- toesighoudende CBI-agent en Jane se baas in seisoen 4 (2011).
Reede Smith (Drew Powell):
’n FBI-agent wat in Kalifornië werk. Ons het hom in seisoen 5 (2012) ontmoet tydens ’n jurisdiksiedispuut met die CBI.
Bob Kirkland (Kevin Corrigan):
’n Homeland-sekerheidsagent wat ons in seisoen 5 in ’n terugflits ontmoet het toe Jane pas by die CBI begin werk het.
Sheriff Thomas McAllister (Xander Berkeley):
Hy het in seisoen 1 (2008) saam met Jane ’n moord in ’n wingerd ondersoek.
Brett Partridge (Jack Plotnick):
’n Forensiese ondersoekbeampte wat ons in seisoen 1 (2008) leer ken het. Jane kan hom nie verdra nie en noem hom ’n monster.