Staatmaker
Gary Sinise veg vir wat reg is, soos in die fliek Forrest Gump en op TV in Criminal Minds: Beyond Borders.
Seisoen 1 Donderdae M-Net (*101) 21:30
Wanneer Amerikaanse burgers in ander lande in die moeilikheid beland, wie bel hulle vir hulp? Die fiktiewe internasionale reaksieeenheid van die FBI, met Jack Garrett (Gary Sinise) as die hoof, in die aksiereeks Criminal Minds: Beyond Borders (2016-nou). Jack en sy uitsoekspan is slaggereed om in te gryp en hul medelandgenote uit die verknorsing te help, selfs in Johannesburg in episode 10 (op Donderdag 25 Augustus). Die reeksster Gary, veral bekend as speurder Mac Taylor in al 197 episode van CSI: NY (2004-2013), vertel meer oor die reeks en sy rol.
Waaroor gaan Criminal Minds: Beyond Borders?
Jack en sy span help Amerikaners wat oorsee reis op dieselfde professionele manier as die moederskip [Criminal Minds, 2005-nou]. Navorsing toon 68 miljoen Amerikaners verlaat die VSA jaarliks en ongelukkig sal van hulle onder misdaad deurloop. Die program gaan oor FBI-helde wat hulle kan red. Wanneer ons die nuus kyk en internasionale sake sien waarby Ame- rikaners betrokke is, is ons geneig om te vra: “Hoe het dit met hulle gebeur? Dit kon ek gewees het. Of my buurman wat op reis is. Of my broer of suster of ander geliefdes . . .”
Hoekom wou jy deel van die reeks wees?
Toe ek met [die uitvoerende vervaardigers] Erica [Messer] en Mark [Gordon] praat, het ek belanggestel in die rol van Jack Garrett, ’n FBI-veteraan van 20 jaar en pa van ses, oor die program se onderliggende boodskap van wetstoepassing en die karakter as stabiele mens. Dikwels sien jy op TV karakters wat gebroke is en omdat hulle in so ’n donker wêreld werk, is daar talle egskeidings en baie pyn in hul persoonlike lewe. Maar daar is vele wetstoepassers wat ’n manier gevind het om ’n goeie gesinslewe te hê, kinders groot te maak en hul huwelik te laat slaag. Ek ken baie van hulle persoonlik, en daar-