Sepie-leerskool
Hier’s raad hoe jy jou groot kans agter die skerms kan kry.
Wil jy graag by ’n sepie soos Isidingo (1998-nou), 7de Laan (2000-nou) of Isibaya (2013-nou) werk, maar nie voor die kameras nie? tvplus het met eksperts gepraat om uit te vind hoe jy ’n werk agter die skerms kan kry.
STAP 1: STUDEER EN LEER
Kennis is mag en ’n goeie plek om te begin is by ’n filmskool, soos die South African School Of Motion Picture Medium & Live Performance (AFDA), wat landwyd kampusse het. Of oorweeg ’n universiteit of kollege wat formele TV- en teateropleiding aanbied, soos Rhodes in Grahamstad. Studente leer oor die tegniese detail van die vermaakbedryf, die taal/ terminologie en hoe dinge agter die skerms werk.
Milena Gevers, die nasionale bemarkingspersoon van AFDA, sê: “Formele opleiding ontwikkel nie net mense om die bedryf te betree nie, maar rus hulle ook toe sodat hulle die bedryf verder kan help ontwikkel.” Kursusse wissel by die verskillende instansies, en deur praktiese en teoretiese studie kry die studente ’n beter idee van wat hulle wil doen – van draaiboeke skryf, kamerawerk en klank tot videoredigering.
Indien studie nie ’n opsie is nie, is internskappe beskikbaar by die meeste
STAP 2: DIS WIE JY KEN
Dit is deel 1 van die artikel – lees deel 2 in die tvplus van 28 September, te koop vanaf Vrydag 23 Sep. produksiemaatskappye, soos Endemol Shine Africa (wat Isidingo vervaardig) en Urban Brew Studios (Gold Diggers, 2015-nou). Dit is oop vir die publiek, maar die proses is taai, soos ’n verteenwoordiger van Urban Brew wat anoniem wil bly, verduidelik: “Die internskap word befonds deur SETA (Sector Education & Training Authority) en dit is ’n werwingsproses. Die applikante moet hul CV instuur en hul vaardigheidsvlak sal bepaal na watter program hulle gaan, wat hul werk sal wees en vir hoe lank.” ’n Internskap – of dit nou is om koffie te gaan haal of die kameraman se toerusting vas te hou – bou ’n CV en ondervinding op. En om op ’n program se stel te wees bied waardevolle insig en indiensopleiding. Isidingo se eerste assistent-regisseur Michael Sebonego sê: “Dit gaan oor netwerkvorming en toewyding om jou naam in die regte kringe bekendgestel te kry.”
Michael het in 2008 in die kameraafdeling begin en homself opgewerk tot sy huidige posisie in 2015. Nou is hy die regterhand vir die regisseur en maak seker die verfilmingsproses verloop vlot. Hy voeg by: “Spanwerk en netwerkvorming is baie belangrik, want
STAP 3: BEGIN ONDER
Maar sê nou jy’s nie gewillig om ’n beginner te wees nie? Die antwoord is eenvoudig: gaan huis toe. Om agter die skerms te werk is moeilik, die ure is lank en dit verg baie voorbereiding voor ’n toneel verfilm kan word. Die navorser Jacob Ntshangase, wat op die Isibaya-stel werk, verduidelik daar’s byvoorbeeld ’n aantal kulturele verwysings wat nagevors moet word voor produksie kan begin. “Vir troues en die inhuldigings van stamhoofde praat ons met regte hoofmanne, soos koning Goodwill Zwelithini [hoof van die Zoeloeryk] en sy oudstes om hul tradisies en rituele te verstaan voor tonele geskryf word. As dit nie akkuraat is nie, sal die gehoor dit weet.”
Die bedryf is pret en bevredigend, maar dit verg harde werk om iewers ’n beginkans te kry. Een manier is om die programme te kontak en aansoek te doen vir klein internskappe op die stel, om kontakte op te bou tydens die internskap en jou CV na produksiemaatskappye te stuur. Hoe harder jy probeer, hoe beter is jou kans op sukses!