Sepies in die VSA, Days, Gold Diggers
BOLD
Wyatt staan terug sodat Steffy weer by Liam kan wees, maar Liam verlaat LA woedend wanneer hy Steffy nie in die hande kry nie en sy weier om op sy ultimatum te reageer. ’n Agterdogtige Eric vra Ridge wat hy met Quinn aangevang het toe hulle in San Francisco was, en Ivy – wat terug is in LA – wonder hoekom Quinn vreemder as gewoonlik optree, en Katie raak agterdogtig. Quinn stel voor Eric maak Ridge Forrester se nuwe uitvoerende hoof terwyl Eric in Genoa City is, en sluit Thomas en Rick weer eens uit die posisie wat hulle glo hulle verdien.
DAYS
Ciara, Theo, Claire, Joey en Jade trek saam in ’n studentehuis in, en Belle (Martha Madison) loer in van Asië om Claire te besoek. Chloe weier dat Nicole Holly grootmaak so lank as wat sy saam met Deimos is. Andre en Dario stuur albei ’n huurmoordenaar na Deimos, en Nicole beland in die tronk ná sy by die sluipmoordpoging ingemeng het. Chloe sê vir Nicole sy het Belle as prokureur aangestel om vir toesig oor Holly te dagvaar, en Eric sukkel om Hope aan die lewe te hou. Shane het interessante bygewerkte inligting oor The Phoenix, die passievonke spat tussen Steve en Kayla in Praag, en tussen Rafe en Steve is daar woede. Austin sien later ’n intieme oomblik tussen Rafe en Carrie.
Y&R
Phyllis en Jack bots oor sy lojaliteit aan Gloria, en Phyllis en Billy het nog ’n stomende oomblik. Hilary kruip na Lily vir hulp, en Lily en Cane neem ’n ingrypende besluit. Lauren span saam met Phyllis nadat sy uitgevind het Jack en Gloria het met haar pogings ingemeng om ’n investeerder vir Fenmore’s te kry en sy ontbied hulp – Eric Forrester! Reed . . . Dylan besef sy identiteit is dalk onthul.