Wraakplanne
Rickus ontsnap uit die psigiatriese eenheid om sy onskuld te bewys.
7de Laan Weekdae SABC2 (*192) 18:00
Frustrasie en teleurstelling – dis wat Rickus (André Lotter) tans voel oor sy gesin se wantroue in hom. Hulle glo dat hy weer met dwelms deurmekaar is, maar al wat hy eintlik wil doen is om Justin (Dann-Jacques Mouton), sy suster Alexa (Carina Nel) se kêrel, se verraad te ontbloot. Rickus is op Vrydag 10 Februarie na ’n psigiatriese eenheid gestuur, maar op Woensdag 15 Februarie het hy genoeg van die plek gehad en ontsnap! Daarna werk hy aan sy wraakplan om Justin te ontmasker en kry sy neef Willem (Markus Haywood) om hom in die geheim te help.
WAARHEID SAL SEËVIER
Rickus het begin Februarie op ’n mediese rekening afgekom van Justin se eksverloofde, Amanda (Carina Nel) – Justin het almal vertel Amanda is oorlede. Toe Rickus ondersoek instel, het hy Amanda in ’n inrigting opgespoor en gesien sy lyk presies soos Alexa! Maar toe hy sy gesin op Donderdag 9 Februarie saamneem, was Amanda skielik nie meer daar nie. Rickus se teleurstelling verander in aggressie, en sy gesin het hom in die psigiatriese eenheid laat opneem. “Rickus is seergemaak omdat sy gesin dink hy het sy varkies verloor,” sê André. Maar as sy planne werk, glo Rickus die waarheid sal uitkom.
OPROEPEOP EN PANIEK
In Intussen is Justin paniekerig, w want hy kry dreigbriewe en v vreemde oproepe. André b bevestig dis Rickus wat J Justin treiter. “Hy het sy me mes in vir Justin, want Justin ht het die saadjie by Rickus se gesin geplant dat Rickus dalk weer met dwelms deurmekaar is. Rickus is vasbeslote om Justin te laat boet,” sê André. Rickus breek op Donderdag 16 Februarie by Justin se woonstel in en steel sy skootrekenaar, maar hy kry geen leidrade of bewyse nie.
VRYWILLIGE WERKER
Maar Rickus gaan nie ophou krap nie en die volgende week, op Maandag 20 Februarie, kry hy vrywilligerwerk by die inrigting waar Amanda is. “Hy wil alles oor haar uitvind en hopelik haar vertroue wen, sodat sy haar gesig aan sy gesin sal wys en die waarheid oor Justin kan uitkom,” sê André.
Maar Amanda kan dalk haar eie agenda hê . . .