SABC2 Ma.-Di. 21:30
Donderdae SABC2 (*192) 11:00 & 11:30
VERLEDE KEER
Tiny was ongelukkig oor sy troue met Mmamosa wat al duurder word, en sy toekomstige stiefseuns Thladi en Lehasa het in Tiny se verlede gegrawe. Ashanti se dwelmgebruik het vererger, en Jade se traumas wat sy as kind beleef het, het by haar kom spook.
20 – 21 FEBRUARIE
Tladi gee Ashanti die motivering wat sy nodig het wanneer hy uitvind sy het vir ’n klein atletiektoernooi ingeskryf. Later is Ashanti se senuwees aan flarde maar sy is gereed vir aksie op die baan, en Lehasa hoor Tiny het baie skuld en dat hy van plan is om Mmamosa se geld daarvoor te gebruik. Maar teen die tyd dat Lehasa sy ma waarsku, is dit te laat – Mmamosa het reeds wettig met Tiny getrou. Mmamosa knip later haar wittebroodsreis kort en keer na Joburg terug vir ’n vergadering met Justice. By die huis vind Mmamosa iets kommerwekkends in ’n e-pos wat Tiny gestuur het, en Ashanti ondergaan ’n dwelmtoets by ’n amptelike sportadministrateur.
27 – 28 FEBRUARIE
Lehasa en Tladi is bekommerd dat hul nuwe stiefpa hul kanse op ’n erflating bederf deur Mmamosa se geld te gebruik om sy bas te red, en Mmamosa raak ook agterdogtig oor haar nuwe man. Mmamosa doen later ’n agtergrond-toets op die twyfelagtige Tiny en sy konfronteer hom wanneer sy die nodige bewyse het, maar hy weier om verskoning te vra vir sy dade. By die gim kom Eshe en Jade nader aan mekaar wanneer Eshe Jade troos oor haar familieprobleme en die onverwagte besering by die SWEAT 3000-oefenpromosie. Justice besef hy sal Ashanti moet druk om beter te vaar, maar sy pogings om tot sy dogter deur te dring misluk.