Meneer Moordenaar
Die reeksmoordenaar Joe Carroll is TV se belese en goed gemanierde baddie.
The Following Seisoen 1 Maandae SABC3 (*193) 23:00
Net omdat jy mense aan stukke kerf vir ’n lewe, beteken dit nie jy kan nie beleefd wees nie. Vra maar die ontsnapte reeksmoordenaar Joe Carroll (James Purefoy) in die rilleraksiereeks The Following (20132015). Hy is ’n Britse professor wat eer betoon het aan die Engelse literêre ikoon Edgar Allan Poe deur sy slagoffers se oë uit te haal voor hy deur die FBI-agent
Ryan Hardy (Kevin Bacon) vasgetrek is. Joe lyk soos iemand wat jy by ’n poësievoorlesing sou raakloop, waar vroue aan sy lippe sal hang. “Hy kruip onder mense se vel in, maar op ’n goeie manier,” verduidelik James. “Hy is geheimsinnig en dis deel van sy aantrekkingskrag vir sy slagoffers – hulle vermoed niks nie tot dit te laat is.” Hoe vergelyk Joe met ander reeksmoordenaars wat
TV-polisiemanne al besig gehou het? Dexter Morgan (gespeel deur Michael C. Hall) Reeks: Dexter (2006-2013) Sy dekmantel: Bloedspatsel- ontleder vir die Miami-metropolisie Aliasse: 11, insluitend The Bay Harbour Butcher en The Beast Getal slagoffers: 134 Kenmerk: Sny sy slagoffers se wang Dr. Hannibal Lecter (gespeel deur Mads Mikkelsen) Reeks: Hannibal (20132015) Sy dekmantel: Eertydse chirurg wat later ’n psigiater geword het Aliasse: The Chesapeake Ripper en The Monster Of Florence Getal slagoffers: 45 as Hannibal en 60 as The Monster Of Florence Kenmerk: Eet sy slagoffers as deel van groot aandetes Red John (gespeel deur Xander Berkely) Reeks: The Mentalist (2008-2015) Sy dekmantel: Sheriff van die Napa County-polisiedepartement Aliasse: RJK, RJ en Red John Killer Getal slagoffers: 41 Kenmerk: Teken ’n glimlaggende gesig met sy slagoffers se bloed