The Ellen DeGeneres Show
Seisoen 14 M-Net-dek. 16:00 & M-Net-sat. (*101) 17:00 Geselsprogram
Die komediant Ellen DeGeneres het ’n revolusie begin met The Ellen DeGeneres Show (2003-nou). Sy’s parmantig, vol kwinkslae en kry A-lys- celebs in die ateljee. Die program was so ’n treffer dat ander skerpskertsers ook hul eie kletsprogramme gekry het, soos Jimmy Fallon (The Tonight Show, 2014-nou) en Trevor Noah (The Daily Show, 1996-nou; Trevor is sedert 2015 die aanbieder). Maar wat maak van komediante sulke suksesvolle geselsprogramaanbieders?
1 Bly ingelig Skerpskertsers moet op die hoogte wees van aktuele sake, die popkultuur, die sakewêreld en politiek. Dit gee hulle skietgoed, maak nie saak wat die onderwerp is of wie kyk nie. Sit ’n humoristiese kinkel by en die aanbieder kan ure lank aangaan.
2 Dink op jou voete Die aanbieder moet die snaakse kant van enigiets kan insien wat hul gaste sê of doen, maar dis nie net vir lagbuie nie – soms moet dit onverwagte dramas red. Barbra Streisand het Ellen in 2005 besoek, maar haar rare verskyning was stokkerig. Ellen het grappe gebruik om Barbra om haar gemak te stel en hulle het gou-gou soos twee henne gekloek.
Voorbereiding is alles Skerpskertsers 3 doen hul huiswerk en weet goed oor hul gaste wat niemand anders weet nie. Dis hoekom hulle die beste onderhoude kry, deur mense uit te vang. Of deur hulle skrik te maak . . . soos Ellen. Sy het ’n celeb-skrikmaak-truuk – in 2016 het Ellen in die toilet agter die verhoog weggekruip en uitgespring om die sangeres Taylor Swift skrik te maak, wat skreeuend op die vloer geval het.
Komkommerkoel Met grappe vertel 4 is tydsberekening alles – dink aan die druk om ’n ateljeegehoor voor jou te hê. Komediante weet net hoe.