The Son I Never Knew
Weekdae Telemundo (*118) 17:10 Telenovelle
The Son I Never Knew (2011) het in Januarie 2017 in Suid-Afrika begin met die universiteitstudent Ignacio wat dood aan die voet van ’n krans aangetref word. Die polisieman Antonio Avelica (Mario Cimarro) is betrokke by die ondersoek en het gou besef dis nie selfmoord soos aanvanklik gedink is nie. Ons het die 45-jarige Mario in Mexiko gebel om meer oor sy karakter te hoor en hoe hy vir die rol voorberei het.
Vertel ons van Antonio. Hy is een van die die hoofkarakters. Antonio is ’n sarkastiese maar deernisvolle polisiebeampte en hy help die misdaadprokureur Santiago en sy vrou, Clara (Rubén Zamora en Gabriela de la Garza), om uit te vind wat met hul seun Ignacio gebeur het.
Antonio en Clara ken mekaar . . . My karakter werk saam met Clara maar hulle het nie ’n sterk band nie, veral omdat Clara Antonio nie vertrou nie. Sy’s ook baie emosioneel, terwyl hy op die logika ingestel is. En Clara lei ’n bevoorregte lewe en sluit haar oë vir mense wat deel van die werkmag is. Hoe het jy jou op die rol van ’n polisieman voorberei? Ek het navorsing gedoen en moes die metodes en etiek van die polisiemag leer ken. Ek het ’n paar weke by die LA-polisiediens deurgebring, asook by ’n afgetrede speurder. Ek moes leer hoe om met ’n vuurwapen te skiet, ’n polisiekar te bestuur en misdadigers agterna te sit. Hoe was dit om saam met regte polisiemanne te werk? As ’n kunstenaar help dit jou om die karakter wat jy vertolk, beter te verstaan. Daar was nie fisieke uitdagings nie, maar ek het geleer hoe belangrik samewerking is, watter rol die sosiale media speel om mense veilig te hou, en hoe om kinders van die verkeerde kant van die spoor te hanteer.