Die tyd raak min
Kyk wat gebeur wanneer High Rollers sy einde nader.
High Rollers Maandae-Woensdae SABC3 (*193) 19:30
Daar is nie meer weddenskappe nie en die sepie High Rollers (20132017) se laaste episode word op Maandag 27 Maart uitgesaai ná die SABC se onverklaarde kansellasie verlede jaar. Die kanaal gaan nou al die oorblywende episodes uitsaai, en ons weet wat gaan gebeur.
MAGSTRYD
Kings Casino se uitvoerende beampte, Jakes (Thapelo Xaba), ding mee teen
Frank (Irvine van der Merwe) om beheer, maar hy sy “mentor” Denton (Terence Bridgett) sal hom nie help nie, sê die reeks se publisiteitsbeampte Selai Ralarala. “Jakes was Denton se spioen by Kings Casino tot September 2016, toe Jakes op Thandi (Nqobile Nunu Khumalo) verlief geraak het. Frank is jaloers op Jakes en Denton se band noudat Frank by Denton se Queen Of Hearts- casino werk, en Frank konfronteer Denton op Dinsdag 21 Maart. Daar sal ’n dooie punt tussen Denton, Frank, Jakes en Pam wees en iemand sal sterf, sê Selai.
DIE AGTERBANKERS
Analine (Rolanda Marais) kom nie terug nie. Sy’s nog oorsee terwyl Rolanda met kraamverlof was tydens die laaste verfilming in November 2016.
Ben (Viljé Maritz) wil ’n spelerbestuurder word by Kings op Woensdag 15 Maart, maar sy familie, ook sy pa, Paul (JustinStrydom), die bedryfshoof, ondersteun nie sy nuwe loopbaanpad nie. Die spelerbestuurder Dhanny (Mayuri Naidu) is ongelukkig omdat Ben haar werk wil hê op Dinsdag 21 Maart. Kings se sekerheidskenner, Pam (Kate Normington), plaas druk op Frank om Jakes te konfronteer op Woensdag 22 Maart. Die casino se uitvoerende hoof, Busi (Jo-Ann Reyneke), vorm ’n bondgenootskap met die finanshoof, David (Antony Coleman), op Maandag 27 Maart noudat Thandi ’n amptelike raadslid is en die casinogrond besit.
TT (Fezile Mpela) sê vir sy dogter Thandi om meer verantwoordelikheid te aanvaar op 27 Maart, soos om met Jakes te trou.