Familievete
Randy Orton het Bray en die nuwe Wyatt-familie die rug toegekeer – en hulle gaan oorlog toe by WrestleMania 33!
WWE Pay-Per-View Special: WrestleMania 33 Sondag 9 April e.tv (*194) 12:30
Wat is die sterkste: slanggif of swartkuns? Fans gaan uitvind by WrestleMania 33 wanneer Randy (The Viper) Orton en Bray Wyatt mekaar pak met die oog op Bray se WWEkampioenskapsbelt.
VENYNIG MET ’N HOOFLETTER V
Sedert Randy laat in 2016 teruggekeer het ná sy skouerbesering is hy meer gewelddadig. Hy is in top-vorm in die kryt met sy wedstryd-RKO-eindbeweging, en buite die kryt met sy kopspeletjies. Plus, laat in Februarie het hy die Wyatts se gewyde grond ontheilig deur suster Abigail se skuur [die bron van Bray en die Wyatt-familie se geloofsoortuigings] af te brand. “Jy was die meester, ek die student,” het Randy yg gegrynslagg y g toe hy die skuur aan die brand steek. “Maar toe die tyd reg was, het ek toegeslaan! Ek stuur Abigail se onheilige siel na die hel vir verdoeming! Ek het net by jou aangesluit om jou van binne uitmekaar te skeur!”
WAARDIGE TEENSTANDER
Bray is ook nie ’n lamsak wat fisieke en geestelike slae uitdeel betref nie – sy Suster Abigail-beweging is een van die effektiefste en ’n goeie teëvoeter vir Randy se RKO. Maar dat sy “broer” Randy teen die Wyatts gedraai het, het Bray verras. Hy het sy “broer” Luke Harper vertel “die slang [Viper – Ran- dy] is die simbool van verraad. Ek weet wat ek moet doen. En ek sal, vir suster Abigail.”
AFWAGTING
Randy en Bray se kragmeting is nie die hoofgeveg by WrestleMania 33 nie (lees hieronder vir meer nommers), maar beslis die grootste volgens stoeikenners. DailyDDT.com se Adam O’Brien sê: “Dit was ’n skouspelagtige wedywering, een waarin Wyatt onvoorsiene hoogtes bereik het.”