Devious Maids
Seisoen 2 e.tv (*194) 20:30 Drama
Fans wat ál vier seisoene van Devious Maids (2013-2016) gesien het en na die uitsending op e.tv kyk om hul geheue te verfris, dink hulle weet alles van die donker komedie. Maar hulle gaan hul misgis – daar is steeds ’n paar versteekte geheime wat die Beverly Hills-herehuise van rykes en beroemdes teister en vir die snuffelende werkers wag!
Dis gegrond op ’n Mexikaanse telenovelle, Ellas Son la Alegria Del Hogar (2009-2012), wat beteken “hulle is die vreugde van die huis”. Hoewel die Desperate Housewives(2004-2012) skepper Marc Cherry en Eva Longoria (Gaby in Desperate Housewives) dit geskryf het as ’n uitvoerende vervaardiger, is dit deur DH se netwerk ABC oorsien en Lifetime het dit opgeraap. Gina Rodriquez (Jane in die komediereeks Jane The Virgin (2014nou) wou nie in Devious Maids speel nie, want sy dink “dis vernederend vir Latyns-Amerikaners”. Rosalyn Sanchez hoef nie klavier te leer speel het of hoe om vir haar rol te sing as die aspirant-sanger wat die werker Carmen geword het nie – sy tree al van sy tien is in musiekuitvoerings op. Grant Show (die sepieakteur Spence Westmore in die reeks) is die rykste van die sterre – sy netto waarde is sowat R880 miljoen. Hy is al sedert die 1980’s en 90’s op TV in reekse soos Melrose Place (1992-1999) en het in eiendomme in en om Los Angeles belê. Ana Ortiz (as Marisol) skerts sy was nie ’n fan van haar karakter se vaal seisoen 1-uitrustings nie en dra steeds “my gunsteling-opstootbra daaronder. Ek het geweier om dit ‘af te skaal’ – en niemand het geweet nie”.