Komieklike filosoof
Cintaine gaan kykers laat skaterlag in haar eerste groot TV-rol.
Phil 101 Seisoen 1 Maandae kykNET (*144) 20:30
Die rasionale dosent Jeanne le Roux weet presies hoe om haar manlike kollegas in die filosofiedepartement aan die fiktiewe Sentrale Universiteit van Suid-Afrika (SUSA) om haar pinkie te draai, sê Cintaine Schutte, wat haar eerste groot TV-rol in die aweregse komediereeks Phil 101 op kykNET vertolk. “Jeanne is my soort mens: sy is prakties en draai nie doekies om nie. Haar karakter is goed en interessant geskryf en haar maskers val mettertyd bietjie vir bietjie af,” verklap Cintaine.
Die 29-jarige donkerkop was al in kleiner TV-rolle te sien – sy was onder meer in albei seisoene van Die Boland Moorde (2013-nou): as Maryke (seisoen 1, ep. 1), en as Ria (seisoen 2, ep. 4).
VAN KOMEDIE TOT DRAMA
Cintaine sê sy geniet komedie net soveel as ’n ernstige dramarol. “Ek wil my nie tot een genre beperk nie. Dit bly ’n uitdaging vir enige akteur om jouself in verskillende genres te bekwaam – dit help jou om as akteur te groei. As jy te gemaklik in ’n sekere soort rol raak, word dit gevaarlik.”
Die meeste van haar tonele in Phil 101 was teenoor Bennie Fourie, wat Phillip Coetzee speel, die jong professor wat die departementsshoof word. En Phillip het sy oogg op Jeanne . . .
“Bennie het baie TVondervinding en het my vuurdoop voor die kameras makliker gemaak. As ek soms onseker oor my spel of ’n toneel el was, het Bennie my gerusgestel of leiding gegee.”
Van die akteurs soos Pierre van Pletzen (Manie in Phil 101 en Oubaas in 7de Laan, 2000-nou) en die produksiespan het gereeld poetse op mekaar gebak, en dit het ’n ontspanne atmosfeer op die stel geskep, vertel Cintaine.
“Pierre moes in een toneel geld uit ’n blik haal om Bennie se karakter (Phil) te betaal, en toe het die kunsdepartement vooraf ’n piesangskil pleks van geld daarin gesit. Pierre het saamgespeel en die piesangskil vir Bennie gegee, wat toe verdwaas s met die skil in sy hand bly staan het!”
TOEKOMSDROME
As kind het Cintaine gedroom sy sou eendag ’ ’n marienebioloog of dalk ’n veearts word. “My passie vir toneelspeel het eers in 2002 vlamgevat toe ek op hoërskool by die aktrise Shareen Swart [Meisie Moolman van die TV-reeks Ballade Vir ’n Enkeling, 1987-1993] dramaklasse begin neem het,” vertel die gebore Pretorianer wat nou in Kaapstad bly.
Shareen het dadelik besef Cintaine het ’n belowende toekoms in die toneelwêreld. Sy het met Cintaine se ouers, Bernhard en Hesté Schutte, gesels en hulle aangemoedig om hul dogter drama te laat studeer. Ná matriek het Cintaine drie jaar drama aan die Universiteit Stellenbosch studeer en daarna haar honneursgraad aan die Universiteit van Kaapstad behaal.
In die toekoms wil sy soveel moontlik ondervinding in film- en TV-werk en op die verhoog opdoen. “Ek sal later ook graag regie wil doen. Daar’s soveel talent in ons land en soveel regisseurs by wie ek in die toekomstoeko wil leer. Daar is vir almal ’n plekkiep in die son – ek glo as ons almal hande vat, kan o ons plaaslike bedryf van k krag tot krag gaan.”
Soos met Phil 101 wat reedsree ’n gunstelingreeks onderond kykers – en lesers – is!