26 – 30 JUNIE
Bronwyn verduidelik vir Lexi wat aan die gang is tussen haar en haar pa, Tim, Naomi trap Deon uit, want hy is oneerlik met haar, en Jana deel ontstellende nuus met At. Tim se tyd raak min met die polisie op sy spoor, Pippa sukkel met ’n dagmoeder vir Dian, en Okkie is onseker oor Ilse se voorstel. Steve konfronteer Bronwyn oor haar leuen, Pippa se eerste dag terug by die werk is aaklig, en Okkie probeer Deon perspektief gee. Justin besluit oor sy toekoms, Steve word in sy spreekkamer aangeval, en Deon weet net hoe om Jana te manipuleer. Tertius konfronteer Pippa oor haar drankprobleem.