AAN SY GENADE OORGELAAT

John se vrou, Ethel (Sam Morton, Naomi in die misdaaddrama The Last Panthers, 2015), raak met haar vervreemde man versoen en hulle trek by Rillington Place 10 in. Sy weet hy is geestelik onstabiel, maar besef nie hy’s ’n moordenaar nie tot dit te laat is. Die huurder Beryl Evans (Jodie Comer, Ivy in die minireeks Thirteen, 2016) word deur John vermoor. Haar man, Tim Evans (Nico Mirallegro, Joe in die periodedrama The Village, 2013-2014), bieg eers hy’t die swanger Beryl en hul dogtertjie vermoor, maar sê dan vir polisie John het hulle verwurg. Tog word Tim gearresteer. Sy “erkentenis” is glo deur die polisie vervals om die saak af te handel en hy is ná ’n omstrede verhoor gehang.