Twin Peaks
Seisoen 3 M-Net (*101) 21:30 Sci-fi
Kyle MacLachlan is terug in sy gunstelingrol: die FBI-agent Dale Cooper in die nuwe weergawe van die sci-fi-reeks Twin Peaks (1990-nou). “Ek’s gek oor hom,” sê die 56-jarige akteur. Maar al is hy die hoofspeler, beteken dit nie die reeksskeppers, David Lynch en Mark Frost, het iets aan hom verklap oor seisoen 3 se 18 episodes nie. “Nie een van die akteurs weet wat gaan gebeur nie. Ons vind uit soos ons dit verfilm!”
1 Kyle besit ’n wynmakery en die Pursued By Bear-wynetiket van die Dunham-kelder in Washington. 2 Hy’t selfs ’n wyn genoem na die bynaam van sy 9-jarige seun, Callum: “Baby Bear”. Hy’s in 2002 met die reklameagent Desirée Gruber getroud. Voor dit het Kyle van 1990 tot 1992 uitgegaan met Lara Flynn Boyle (Donna in Twin Peaks) en was van 1992 tot 1998 verloof aan die model Linda Evangelista. 3 Volgens gerugte het Lara Kyle se skermliefie Sherilyn Fenn (Audrey) gehaat, en sy’t daarop aangedring storielyne word herskryf om die twee karakters uitmekaar te hou. Blykbaar is Lara nie deel van die nuwe weergawe nie, want die base “het slegte herinneringe om saam met haar te werk”. 4 Vroue, wyn en toneelspeel is nie Kyle se enigste liefdes nie – hy’t sosialemedia-en YouTube-rekeninge vir sy twee honde, Sam en Mookie, geskep. 5 Hy skerts “sci-fi is my handelsmerk” en sy enigste toekenning tot dusver was die Golden Globe in 1991 vir beste akteur in ’n TV-dramareeks (vir Twin Peaks). Tog blink Kyle ook uit in dramedies – hy was die skelm Orson Hodge in 86 episodes van Desperate Housewives (2004-2012).
Die reeks gaan vir ’n week asem skep vanweë ’n produksiebreek.