Chicago PD
Seisoen 2 e.tv (*194) 20:30 Aksie
Jason Beghe beveg misdaad aan twee fronte. Hy speel sers. Hank Voight, hoof van die intelligensie-eenheid, in die aksiereeks Chicago PD (2014-nou). En in die regte lewe lei hy ’n aanslag op die Sciëntologie, sy eertydse geloof wat hy “’n kultus wat gevaarlik vir jou fisieke en geestelike welstand is” noem.
1 Die 57-jarige akteur het in 1994 by die Sciëntologie betrokke geraak ná hy by sy drama-onderwyser meer daaroor gehoor het. Hy het in hul promosievideo’s verskyn en is ook opgelei as ’n ouditeur – ná hy meer as $1 miljoen (R13 m.) aan die kerk geskenk het. 2 Jason is in 2007 by die kerk weg toe sy vrou van sewe jaar, Angie Janu, hul eersteling verwag. “Ek wou die beste pa en man wees en het selfondersoek gedoen,” sê hy. “Ek het besef die Sciëntologie is nie reg vir my nie. Ek het die volgende dag ingestap en gesê: ‘Dis in almal se beste belang dat ons weë skei.’” Die egpaar woon in LA met hul twee jong seuns, Bear en Bix. 3 As kind was Jason se beste vriende by die gesiene New Yorkse Collegiate School For Boys David Duchovny (Fox Mulder in die sci-fi-reeks The X-Files, 1993-nou) en John F. Kennedy jr., die ontslape seun van wyle pres. JFK. Jason het byna nie by Chicago PD 4 betrokke geraak nie – of enigiets anders ná 1999. Weens ’n motorongeluk was hy ’n maand lank in ’n koma met ’n gebreekte nek en ribbes. Ná die ongeluk moes die dokters 5 ook ’n pyp in sy keel sit. “Dit het my met ’n rasperstem gelaat,” vertel hy. “En dis een van Voight se sterk punte – wanneer hy praat, luister mense.” Hoewel hy in New York groot6 geword het, skree Jason vir die Chicago Cubs-bofbalspan.