Laat die syfers praat
Die WWE gaan oor meer as net die 1, 2, 3 tel in die kryt . . .
Al ooit gewonder hoeveel geld die WWE maak uit betaal-per-kykkragmetings soos Great Balls Of Fire? WrestleMania 33 het in April vir die maatskappy en sy uitvoerende hoof, Vince McMahon, meer as $20 miljoen (R256 m.) in die sak gebring. Dis danksy die minstens 75 000 fans wat dit regstreeks gekyk het in die Camping World-stadion in Florida, meer as 1,5 miljoen betaal-per-kykbestellings en die WrestleMania- goedere wat verkoop is. En dis nie die enigste interessante syfers wat tel wat die WWE betref nie!
$10 (R130) per maand is wat jy sal betaal vir toegang tot die WWE-netwerk in SA.
$20 (R260) is die koste per aandeel wat jy sal betaal om in die WWE in te koop.
71 Vince McMahon se ouderdom. Hy besit die stoeimaatskappy al sedert 1980 toe hy dit saam met sy vrou, Linda, gestig het.
85% van die stemreg word steeds deur Vince en sy familie beheer, insluitende sy seun, Shane, dogter, Stephanie, en skoonseun, Triple H (Paul Michael Levesque).
180 lande regoor die wêreld saai WWE-reekse in 25 tale uit.
330 regstreekse byeenkomste het in 2016 in die VSA plaasgevind met die Raw, SmackDown en NXT-handelsmer- ke, sonder die 15 spesiale betaal-per-kyk-byeenkomste.
580 Make-A-Wish-wense is sedert Desember 2016 toegestaan deur John Cena. Hy hou tans die rekord.
$40 000 (R510 000) – die koste van elke WWE-kryt, wat spesiaal ontwikkel is deur die WWE-prestasiesentrum.
2,8 miljoen WrestleMania-twiets is gestuur op die dag van die byeenkoms (Sondag 2 April) en minstens 5 miljoen twiets is tydens die 5 uur lange vertoning geskryf.
$4 miljoen (R51 miljoen) – Triple H se beweerde jaarlikse salaris as deeltydse stoeier in 2016, $700 000 meer as Vince se salaris van $3,3 miljoen.
18 miljoen YouTube-intekenaars het die WWE se 29 000 video’s altesame 15 biljoen keer gekyk.
$232 miljoen (R3 biljoen) – die WWE se jaarlikse inkomste uit byeenkomste soos Raw, SmackDown en NXT, wat SA gehore gratis op e.tv kry.
650 miljoen kykers wêreldwyd kyk weekliks na WWE-kragmetings.
$700 million (R9 biljoen) – die WWE se rekordomset in 2016.