Gooi ’n vleisie op die kole
Familie en vriende spook dit uit wie die beste braaiers. is.
Ná die sukses van vier seisoene van Kom Ons Braai (VIA, 2015 – nou), waar drie paartjies in elke episode meeding om uit te vind wie die beste braaiers is, kry familielede en vriende nou die kans om teen mekaar mee te ding. “Anders as die moederprogram, Kom Ons Braai, ken die deelnemers mekaar en die dinamika tussen hulle is heeltemal anders,” vertel Amor Engelbrecht, vervaardiger van albei reekse. En wees maar gewaarsku, al brand die braaivleisvure hoog, gaan die vonke ook lekker spat.
In ’n neutedop: Wat kan kykers van die nuwe reeks verwag?
Kykers gaan uitvind of bloed dikker as braaisous is en of vriende regtig sewe sakke braaisout saam gaan opeet.
Waar kom al die deelnemers vandaan?
Ons steek vure aan in die Kaap, Namakwaland en Gauteng. Bobaasbraaiers in Bloemfontein het ons omgepraat om by hulle te kom kole krap. Ons moedig kykers van oor die hele land aan om in te skryf.
En wie is die beoordelaars? Net soos in Kom Ons Braai beoordeel die deelnemers mekaar in verskillende kategorieë – braai, smaak en onthaal. Wat was jou grootste uitdaging as vervaar
diger? Dis vir ons as produksiespan belangrik om die program met integriteit en eerlikheid te vervaardig, daarom raak ons nie by die beoordeling of kosmaakproses betrokke nie. Dit is realiteits-TV, dus bly ons neutraal en laat die aksie sy gang gaan en voor ons afspeel. Dit is soms moeilik om neutraal te bly, maar ons glo kykers ervaar dit wat hulle op TV sien, nie as gemanipuleer nie – sodoende identifiseer hulle met als waardeur die deelnemers gaan. Hoe kortwiek die weerstoestnde julle omdat julle meesal buite skiet? Dit is realiteits-TV. As dit reën of die wind waai woes, volg die kameras steeds die deelnemers se doen en late. Die deelnemers braai oral – selfs op hul balkon, op die stoep, in ’n braaidrom of in die agterplaas. Solank daar kole is, kan daar gebraai word!