Lief vir jou, boet
McGarrett en Danno se skertsende polisiemanvriendverhouding gee Hawaii Five-0 ’n hart.
Ons geniet ontploffings en nabydoodervarings net so baie soos ander mense, maar sonder ’n hart is ’n aksiereeks so goed soos dood. Hawaii Five- 0 (2010-nou) se hart is die mansvriendereeks met McGarrett (Alex O’Loughlin) en Danno (Scott Caan). In seisoen 7 het die geklap op die rug, skouermasserings, gekorswel (eerder as ’n gekibbel) teruggekeer ná ’n paar geïrriteerde seisoene. Enigeen wie se vriende sy familie is, kan hom daarmee vereenselwig, en dis die emosionele grondslag wat help dat die reeks se waaghalsige gevaar eg voel.
WAARVOOR VRIENDE DAAR IS
Danno is gretig om sy sus
Bridget (Missy Peregrym, Andy in Rookie Blue, 2010-nou) aan sy beste pel voor te stel wanneer sy op Dinsdag 1 Augustus kom kuier. McGarrett bedank Bridget vir die koekies wat sy vir hom en Danno gestuur het terwyl hulle in die hospitaal herstel het in die seisoen 6-slot (in November 2016) – toe Danno McGarrett ’n deel van sy lewer geskenk het. “Die ouens is bloedbroers, maar nou is hulle letterlik een,” spot die reeksskepper, Peter M. Lenkov. Later in die episode glimlag hul kollega Kono (Grace Park) wanneer sy sien hoe Danno McGarrett rondlei met ’n hand op sy lae rug. Dit lyk redelik normaal vir haar, al het Danno dit gedoen om vir McGarrett te verduidelik hoekom hy dink ’n ou met sy suster geflirt het.
BESTE MAATS
Danno en McGarrett se fisieke nabyheid is so aangenaam om te sien, want dis ’n uitdrukking van toewyding. Oor sy samewerking met Scott verduidelik Alex: “Dis lekker om saam met jou pel te werk. Die werk word minder pynlik. Ek dink ons dinamika is belangrik. Dis deel van wat die reeks aanloklik maak. Ek wil graag sien wat ons dinamika na vore bring.” Of die dinamika nou hul berugte argumente in die kar uitbring, en of Danno ’n irriterende hart in die lug trek en na McGarrett (in seisoen 1, 2011) wys, ons is bly ons sien die reeks.