WWE, Moetsien-sport
Randy Orton en Jinder Mahal voer ’n vete by Battleground.
Die Viper Randy Orton deins nie terug vir uitdagings nie. Hy het al die beste gepak en hulle met sy RKO-eindbewegings gewen. Maar die keer was sy oë dalk groter as sy maag . . . Randy gaan met Jinder Mahal by WWE Battleground te doen kry – toegesluit in die Pandjab-tronk!
JUST JINDER
Die gebore Kanadees Jinder (regte naam Yuvraj Singh Dhesi) is ’n opkomende talent en “een van die bestes,” beweer dié in die binnekring. “’n Mens sien die vertroue wat Jinder kry. Sy instink het ontwikkel en hy weet wat om volgende te doen. Dit gaan alles oor sy krytbewustheid,” sê die eks-WWE-superster
Edge. “Jinder se vooruitgang was baie dieselfde as Randy s’n 15 jaar tevore. Die verskil is Randy het by ikone soos Ric Flair, Shawn Michaels en Chris Benoit geleer – hy is aan die diep kant ingegooi en het soos Michael Phelps geswem!”
TRONKONTSNAPPING
Die Pandjab-tronkkragmeting is nog net twee keer in die WWE-geskiedenis gebruik – eers by 2006 se Great American Bash (The Undertaker het teen Big Show geveg nadat The Great Khali nie medies geskik verklaar is om te stoei nie) en by 2007 se No Mercy, waar dit Batista teen The Great Khali was. Dit word nie dikwels gebruik nie, want dit kan brutaal wees. Die kryt word omring deur twee hokke. Die eerste een is ’n bamboesheining met vier deure en die stoeiers moet deur een van die deure loop. Hulle het net ’n minuut om dit te doen – as hulle dit nie doen nie, moet hulle oor die hok klim. Maar dan is daar ’n tweede hok: groter, bedek deur skerp bamboespunte en van staalversterkte bamboes gemaak! Daar is geen vaspen-valle, geen onder werping en geen diskwalifikasies nie. Enigiets is aanvaarbaar binne en die wenner is die Superster wat oor die buitehok klim en eerste op die vloer land.