Ray Donovan
Dash Mihok erken hy moes hom voorberei en staal vir die eise om Brendan (Bunchy) Donovan in die dramareeks Ray Donovan (2013-nou) te speel. “Ek het met baie mense gepraat wat seksueel gemolesteer is en dit was ontstellend,” sê die 43-jarige. “Ek moes na baie donker plekke gaan wat ek nie geweet het bestaan nie.” Maar ’n opdraande stryd is niks nuuts vir Dash nie . . .
1 Tourette-sindroom is op ses by hom gediagnoseer ná sy pa, Raymond, gesien het hoe hy gedurig sy kop skud. In sy 20’s het Dash twee skoueroperasies ondergaan om skade te herstel wat sy senutrekkings veroorsaak het.
2 Hy gebruik steeds medikasie vir die senutrekkings, maar sê “my toestand het my gehelp om ’n beter akteur te word. Ek moes voorgee als is OK.”
3 Een van sy gunstelingrolle was Benvolio in die fliek Romeo + Juliet (1996) saam met Leonardo DiCaprio – maar nie oor die wapens en karre in die weergawe van die Shakespeare-stuk nie. “Die Hawaii-hemp en kortbroek as kostuum was wonderlik,” lag hy.
4 Hoewel hy New York mis, geniet Dash dit om in LA te woon, want hy kry tyd om “platteland” toe te gaan en perd te ry. Hy is ook ’n puik danser en musikant. “Ek geniet veral hip-hop en rap. Dit voel net reg en kalmerend.” Dash is getroud met die vioolspe
5 ler en sangeres Valeria Mason en het voorheen, van 1998 tot 2001, met Alanis Morissette uitgegaan. Hy’t gedans in Alanis se video vir So Pure, die liedjie wat sy vir hom geskryf het.
6 Hy het sy eie band – Diz & The Fam – en in hul 2015-musiekvideo vir hul liedjie Love verskyn die spelers van Ray Donovan, insluitend Liev Schreiber (Ray) en Jon Voight (Mickey).