Nuwe Afrikaanse programme
Opwindende nuwe kykstof wag op kykers van nou tot in Oktober.
DIE TOP-HONDE
Seisoen 1 Begin: Donderdag 17 Augustus om 17:30 Moet weet: In die realiteitsreeks word die wêreld bestudeer van drie honde en hul afrigters, wat hulle vir verskeie hondekompetisies voorberei. BRUNO Seisoen 1 Begin: Vrydag 1 September om 21:00
Moet weet: Die innemende Bruno is bekend vir sy psigiese vermoëns. Hy gebruik sy talente om vermiste mense op te spoor, misdade op te los en mense met persoonlike sake te help. NISBOERE Seisoen 1 Begin: Maandag 4 September om 20:00
Moet weet: ’n Leefstylprogram vir kleinboere waarin die aanbieders Anrich Herbst, Chris de Clercq en die landboukenner dr. Simonia Magardie die land platreis om innoverende landbou-entrepreneurs te ontmoet.
FLORI EN KOELSOEM SE KOSSE
Seisoen 2 Begin: Dinsdag 5 September om 19:30
Moet weet: Die tannies is terug! Flori en Koelsoem is gereed om weer voor die kospotte te staan en nuwe plaaslike Maleierdisse te berei.
DIE SUPERSKOOL
Seisoen 1 Begin: Maandag 4 September om 17:00 Moet weet: In die nuwe speletjiesprogram met die sanger Snotkop word gesoek na die beste skool in SA.
SPOEGWOLF SOEK NUWE BLOED WAT’S IN ’N NAAM?
Seisoen 1 Begin: Woensdag 11 Oktober om 20:30
Moet weet: Die akteurspaar Diaan Lawrenson en Jody Abrahams gaan op ’n genealogiereis. Maar hulle gebruik nie die bekende DNS-toetse nie en verkies om navorsing te doen deur die liefdesverhale van hul families.
MET MY HELE HART
Seisoen 1 Begin: Dinsdag 12 September om 20:30
Moet weet: Die sangeres Lianie May en haar bestuurder, Barry, trou uiteindelik, en alle reëlings tot op die dag dat sy na die kansel loop, word in ’n reeks vasgevang.
MY MATRIEKAFSKEID
Seisoen 1 Begin: Woensdag 4 Oktober om 19:30
Moet weet: VIA bied ons ’n kykie na die lewe van matrikulante wat vir hul belangrikste geleentheid in hul laaste skooljaar voorberei – die matriekafskeid! Seisoen 1 Begin: Maandag 25 September om 18:00
Moet weet: Die fotograaf Adi van der Walt reis deur die land saam met haar vriendin en pilates-instrukteur, Mynie Steffens. Hulle braai op interessante en prettige plekke. &