Sepies in die VSA
BOLD
Brooke wil by RJ weet wat die waarheid oor die ongeluk is, maar Coco aanvaar verantwoordelikheid. Caroline en Douglas keer terug na Los Angeles om tyd saam met Thomas deur te bring net wanneer hy Sally in ’n ander lig sien, en Bill bied aan om Steffy te help om met Caroline en Thomas herenig te word nadat Caroline erken het dit was ’n fout om LA te verlaat. Sheila het ’n konfrontasie met Quinn wanneer Eric verdwyn nadat Ridge en Quinn hul affair erken het. Sheila het ’n aantreklike aanbod vir Charlie, en Steffy en Liam vind uit Eric het by Sheila ingetrek.
DAYS
Sonny hou vol hy was die een wat Deimos vermoor het, maar ’n ooggetuie tree na vore met bewyse. Nadat hulle stilletjies rondgesnuffel het, besef Lani, JJ, Hope en Rafe Deimos se regte moordenaar kan net iemand wees met ’n lang verlede in Salem. Anne is mal oor Lucas, en Nicole en Eric se herinnerings aan die partytjienag begin onder die dwelmnewel deursyfer. Nicole en Hope raak agterdogtig oor Dario, en Abby plant ’n meeluistertoestel in Dario se kantoor nadat sy deur haar nuwe man se besittings gegaan het. Jade oorweeg dit om Joey se betrokkenheid by Ava se dood te onthul wanneer hy haar verwerp, Hope en Rafe maak gereed vir die troue, en Chad bied Theo werk aan.
Y&R
Kevin het skoknuus vir die famile, en Juliet voel geïsoleerd, maar sy merk die bedreiging wanneer Hilary haar daaraan herinner sy is die enigste een wat van Juliet se leuen weet. Juliet kry die uitslag van die vaderskaptoets, en Lily is woedend vir Cane omdat hy Billy kwalik neem vir sy probleme nadat hy uiteindelik aan haar erken hy is afgedank. Nick smeek Nikki om haar konsert te kanselleer nadat haar veelvoudige sklerose weer opvlam wanneer Victor druk op haar plaas om terug te kom. Die room van Genoa City kom byeen vir Nikki se konsert, onbewus van die drama agter die skerms.