Hier volg die nuus
Die antologieriller American Horror Story (2011-nou) het Lena Dunham (Girls, 2012-nou) gekry vir die nog ongetitelde seisoen 7. Die reeksskepper Ryan Murphy het getwiet: “Verheug dat my talentvolle vriendin Lena Dunham by die American Horror Story-familie aansluit. Wou altyd saam met haar werk en nou gaan ons!” Die titel van seisoen 7 was nog onbekend toe tvplus drukker toe is, maar Ryan het ’n lokfoto op sosiale media gedeel van ’n mens bedek met bye, met die onderskrif “AHS laaste leidraad voor titelonthulling”. Maak gereed om Meemaw te ontmoet, Big Bang Theory (2007-nou) fans! Die voorvolg-sitkom Young Sheldon (2017-nou) het Annie Potts as Sheldon Cooper se ouma gekry in die komende reeks! Annie het Mary Jo gespeel in die ikoniese komedie Designing Women (19861993) en was onlangs Sharon in die drama The Fosters (2013-nou). Kermit The Frog gaan anders klink met The Muppets (1978- nou) se terugkeer. Die stemkunstenaar Steve Whitmire is ná 27 jaar afgedank nadat hy herhaaldelik nie saamgestem het met die rigting vir sy karakter nie. “Ons doen die karakters al vir ’n baie lang tyd en ken hulle beter as enigiemand anders. Ek het gedog ek is behulpsaam,” sê Steve. Die reeks het in ’n verklaring gesê hulle moes die integriteit van die karakter beskerm en “die besluit was nie ’n maklike een nie”. Matt Vogel vervang Whitmire. Fans van mediese drama Code Black (2015-nou) het onlangs goeie en slegte nuus gekry. Die reeks is hernu, maar sonder die karakter Malaya. Die aktrise Melanie Chandra kom nie terug nie en geen rede is gegee nie. Code Black gaan die leemte vul met ’n nuwe residentdokter, gespeel deur Tyler Perez (Brett van gruwelkomedie Scream, 2015-nou). Chaley Rose (Zoe in die musiekdrama Nashville, 2012-nou) sluit ook aan as gasspeler. Haar karakter is verskrik deur die intensiteit in noodgevalle, wat lei tot ’n paar duur foute. Die fantasiereeks The Vampire Diaries (20092017) is dood en begrawe, maar ten minste leef een van die karakters voort. Candice King se karakter Caroline Forbes-Salvatore kom in 2018 na seisoen 5 van die Vampire Diaries-oorspoelreeks The Originals (2013-nou). Al wat ons weet, is daar gaan ’n ingewikkelde verhouding tussen Caroline en Klaus Mikkelsen (Joseph Morgan) wees. Die aksiereeks Hawaii Five- 0 (2010-nou) het nie getalm om plaasvervangers vir Daniel Dae Kim en Grace Park (Chin en Kono), wat in Julie weg is oor ’n gelddispuut, te kry nie. Ian Anthony Dale, Kono se man, Adam, is tot voltydse speler bevorder en Meaghan Rath as Beulah Koale is ook aangestel vir seisoen 8. Die epiese fantasiereeks Game Of Thrones (2011-nou) het sy eie kykertalrekord verbeter met die première van seisoen 7 op 17 Julie. Meer as 10,1 miljoen mense het dit gekyk, en altesaam 16 miljoen mense as videostroomkykers en dié wat die herhaling gekyk het, bygevoeg word. Dit is steeds minder as die 17,3 miljoen kykers van die zombie-apokalipsreeks The Walking Dead (2010-nou) se seisoen 5-première. The Walking Dead is terug op 22 Oktober. Steeds by The Walking Dead. Daar was ’n tragiese ongeluk tydens verfilming laat in Julie waarin die waaghals John Bernecker ernstig beseer is. Hy het van ’n 6 meter hoë balkon op die Georgia-stel afgeval en sy familie het die masjiene wat hom aan die lewele gehou het, afgeskakel. Die veteraanwaaghals wasw ook in die Hunger Games-flieks (20122015) en die X-Menfliekfl Logan (2017). DieD Oscar-wenner Forest Whitaker speel in seisoen 4 van die musiekdrama Empire (2015-nou) as Uncle Eddie, ’n musiekikoon wat vir Lucious ( Terrence Howard) help met rehab. Demi Moore se verpleegsterkarakterv het ook ’n groter rol in seisoen 4 ná haar debuut in die seisoen 3-slotepisode in Mei 2017. Eileen Davidson, Kristen DiMera in Days Of Our Lives (1965-nou; sien bl. 27), is weg by The Real Housewives Of Beverly Hills (2010-nou). Sy het op haar Instagramblad @ eileendavidsonofficial geskryf, “Ek het besluit dis die beste vir my en my familie om vir eers op te hou huisvrou wees. Maar jy weet nooit! Ek loer dalk van tyd tot tyd by die vroue in!”