e.tv Weekdae 20:00
AUGUSTUS
Thandi en haar biologiese ma, Lydia, span saam om hul aartsvyand, Ace, te vernietig, wat probeer bewys hy het berou oor sy sondes deur betrokke te raak by gemeenskapshervormingsprogramme. Chris vertel Brandon van sy probleme.
SEPTEMBER
Ace verdwyn, maar Thandi soek steeds na hom, al weet sy hy is ontvoer. Lulama is gebroke nadat nog ’n verhouding vou, en Chris se huwelik is op die rotse wanneer Azania vasbeslote is om haar pa te vind. Ace keer ongeskonde terug, maar Thandi wil hom vir goed uit haar lewe hê, en Tshiamo is senuagtig om sy familie van sy romanse met sy “pel” Damian te vertel.
OKTOBER
Lebo probeer Lulama se hart wen, maar beland dieper in die moeilikheid as wat hy verwag het. Mam Gerty se personeel is teleurgesteld wanneer hulle van Lebo se geldelike probleme hoor, en Uhuru is bevrees sy romanse met Thandi is verby wanneer hy moet kies: maak vrede met sy pa, Ace, of leef in sonde met sy aangenome suster, Thandi.
VERLEDE KEER
Azania is verbied om met Uhuru se trouplanne te help, en Lulama het vasgekeer gevoel deur haar skuld.
2 – 4 AUGUSTUS
Lebo raak bekommerd wanneer Lulama na ’n “geheime” ontmoeting skielik vertrek, en Chris oorweeg dit om sy ma, Irene, te vergewe wanneer haar gesondheid ’n knak kry. Ace probeer sy verlede wat kort-kort opduik, stilmaak. Lulama soek ’n seëner om haar kontantkrisis op te los, en Azania se nuwe vriend Brandon vertel haar man, Chris, wie hy regtig is. Elders is Thandi gefrustreerd omdat sy nie bewyse kan kry wat Ace weer in die tronk sal laat beland nie.
7 – 11 AUGUSTUS
Mam Gerty ontplof wanneer Ace met mag terugkom na haar huis, en Lulama kruip terug na Lebo om hom terug te kry wanneer sy nie ’n seëner in die hande kry nie. Brandon help by die troumaatskappy met sy IT-vaardighede, en Mam Gerty voel vasgevang wanneer Ace weier om die skeidokumente te teken om hul skeiding amptelik te maak. Azania wil help om Brandon weer aan die gang te kry.
14 – 15 AUGUSTUS
Ace veroorsaak ’n verwydering in Azania en Mam Gerty se reeds gebroke verhouding, en Thandi en Uhuru is opgewonde omdat hulle die familie-troumaatskappy by Mam Gerty gaan koop.