SABC2 Ma.-Di. 21:30
AUGUSTUS
Tladi vind bewyse hy het Pula nie verkrag nie, en Mmamosa probeer die kollig by Jade en Eshe steel deur aan te bied om vir hul troue en tradisies soos lobola te betaal. Justice sukkel om te aanvaar sy vriend Pieter is besig om in ’n vrou, Jacqueline, verander te word.
SEPTEMBER
Ashanti kondig haar verlowing aan Tladi aan, maar vind daarna uit haar verloofde is verlief op haar sus Botho. Justice is verslaaf aan dobbel en Mmamosa span dit tot haar voordeel in, en swaai haar ASA-gimaandele voor sy neus rond. Lebona word deur ’n kar omgery wanneer hy gaan draf, Botho vind uit Justice is nie haar biologiese pa nie, en Pula kry afsluiting.
OKTOBER
Sara kaap Jade se vaarwelpar tytjie, en Botho kry haar oorlede ma se dagboeke. Terwyl sy die boeke lees, vind Botho uit haar ma sou haar “pa” verlaat vir ’n minnaar, “X”, op die dag van haar dood. Ashanti vind Justice se testament – en daarin laat Justice sy hele boedel aan Botho na.
VERLEDE KEER
Lebona en Ashanti het byna seks gehad, Mmamosa het Justice die geleentheid gebied om haar aandele in die gim te koop, en Sara het leuens versprei oor Tladi.
7 – 8 AUGUSTUS
Botho probeer haar stres verlig deur dronk te word en by die ASAgim te paaldans. Terwyl sy later die sekerheidsbeeldmateriaal uitvee sodat niemand haar kan afpers nie, sien Botho hoe haar suster Ashanti met Lebona flankeer. Lehasa het aanwysings vir sy broer Tladi se prokureur oor hoe om die verkragtingsaak te hanteer, en Jade is jammer vir haar swak gedrag teenoor haar verloofde, Eshe. Justice nooi onwetend iemand van Warona se familie vir ete, en ’n datum word bepaal vir Tladi se verkragtingsaak.
14 – 15 AUGUSTUS
Tladi kry ’n terugflits na die aand toe hy Pula ontmoet het en hy dink sy het hom by die nagklub verkeerdelik vir haar ware verkragter aangesien. Tladi kry ’n aanbod om tydens ’n radioprogram sy kant van die saak te stel, maar hy weier. In plaas daarvan verkies hy om deel te neem aan ’n demonstrasieboksgeveg teen Justice. Warona stres omdat haar familie weet waar sy is, en Mmamosa vermoed daar is iets aan die gang tussen Lebona en Ashanti.