BELANGRIKE LEWENSLESSE
1 Kinders leer deur hul belewenisse – en dis nie altyd goed nie (episode 1)
Die jongste seun, Jack (Miles Brown), sing Kanye West se Gold Digger-liedjie, en dan word Dre en Rainbow (Tracee Ellis Ross) deur die skoolhoof ingeroep omdat Jack die “N-woord” gebruik het.
2 Om anders te wees maak jou nie verkeerd nie (ep. 20, 4 Feb. 2018)
Dre se godvresende ma, Ruby (Jenifer Lewis), weier om te aanvaar haar dogter Rhonda (Raven Symone) is lesbies. Dis eers wanneer die kleinkinders Junior en Zoey (Marcus Scribner en Yara Shahidi) haar voor stok kry dat Ruby amper van mening verander.
3 Ma’s is regtig superhelde (ep. 23, 25 Feb. 2018)
“Hoe moeilik kan dit wees?” lag Dre selfvoldaan wanneer hy die huishouding by ’n siek Rainbow oorneem. Maar teen die einde van die episode smeek hy haar om gou gesond te word.