Sci-fi: The Handmaid’s Tale
Die toekoms van die menslike ras is ’n nagmerrie vir vroue in die skrikwekkende sci-fi-reeks The Handmaid’s Tale.
Seisoen 1 Maandae M-Net (*101) 22:00 (begin 30 Oktober)
The Handmaid’s Tale (2017-nou) is ’n onrusbarende wipwarit vol kinkels en kabels, verrassings en skokke en veel erger. Dis gegrond op die 1985-roman van Margaret Atwood, en handel oor (Elisabeth Moss, Peggy in die periodedrama Mad Men, 2007-2015). Dis haar plig as ’n “dienares” om kinders te voorsien in die Republiek van Gilead, ’n moderne Verenigde State wat gevorm is ná ’n burgeroorlog en ’n drastiese afname in vrugbaarheid weens besoedeling en seksueel oordraagbare siektes.
“Die dienaresse word gedwing om seks te hê met die huisbaas, wat basies verkragting is, om kinders te baar vir die familie aan wie hulle toegewys is,” sê Elisabeth. “Dis nie ’n lekker plek om te bly of ’n gawe ‘werk’ nie.” Vroueregte is iets van die verlede en hulle is van sosiale status gestroop in Gilead. Vroue het slawe geword vir hul mees basiese funksie: voortplanting.
Offred VRUGBARE OPLOSSING
Voordat sy ontvoer en hernoem is, was Offred se naam June Osbourne en sy het ’n gesin gehad – manlief (O-T Fagbenle, Danny in die Britse riller The Five, 2016-nou) en hul dogter, (Jordana Blake). Hulle het uit Gilead gevlug toe June aangekeer is en sy weet nie of hulle nog leef nie. Maar soos Offred in haar vertelling sê: “Ek wil net oorleef vir my dogter se onthalwe!” Offred behoort nou aan
(Joseph Fiennes, Merlin in 2011 in die fantasiereeks Camelot), een van die stigterslede van Gilead en man van die skynbaar onvrugbare
(Yvonne Strahovski, Sarah in die aksiereeks Chuck, 2007-2012). Hoewel Serena wreed teenoor Offred is omdat sy Fred nie kinders kan gee nie, is Fred deernisvol en hy sal selfs die wet oortree om by Offred te wees buite haar dienares-pligte. Hy probeer dit omseil
Fred Waterford Serena Joy Luke Hannah kommandeur
in episode 2 (6 Oktober) deur Offred te nooi om saam met hom Scrabble te speel. Wetsoortreding is egter nie ’n opsie vir die dienaresse nie – as hulle sonder hul rooi rokke en wit kappies gesien word, wag wrede straf op hulle, soos die uitruk van hul oë of verminking van hul geslagsdele. “Moenie dink dis ’n fantasiereeks nie,” sê die skrywer Margaret. “Dis ’n mengelmoes van dinge wat regtig in die wêreld gebeur!”
’N STEM VIR VROUE
“Die beheer oor vroue en babas was deel van elke onderdrukkende regime in die geskiedenis,” sê Margaret, en Elisabeth voeg by haar rol as Offred het haar uitgedaag. “Ek is ’n feminis en ek is nie skaam daaroor nie. Toe ek die draaiboek lees oor vroue wat van hul regte gestroop word, moes ek dit net doen!” En haar medester Yvonne herinner kykers “dis ’n menslike storie en vroueregte is menseregte. Dit gaan oor gelyke regte, maar op die ou end is dit nie gelyk nie.”
GASSTERRE Ofglen
(Alexis Bledel, Rory in die drama Gilmore Girls, 2000-nou) is Offred se inkopie-metgesel.
(Ann Dowd, Patti Levin in die sci-fi-reeks The Leftovers, 2014-2017) is die dienaresse se oppasser.
Tant Lydia PRYSE EN NOG PRYSE
The Handmaid’s Tale het met ’n sak vol beeldjies weggestap by vanjaar se Emmy-prysaand – vir beste dramareeks, beste aktrise in ’n dramareeks, beste byspeelster in ’n dramareeks, beste regisseur asook draaiboek vir ’n dramareeks, en beste gasspeelster. Dit het ook pryse opgeraap by die TV Criticstoekennings en die Gold Derby TV & Film-toekennings. Wil jy ’n kopie wen van die roman The Handmaid’s Tale? Blaai na bl. 4!