Generations
Terence Bridgett glip in die skoene van die goeie ou as die nuutste gesig in Generations – The Legacy.
Weekdae SABC1 (*191) 20:00
Terence Bridgett sluit by Generations – The Legacy aan op Woensdag 1 November as Michael Phillips, ’n invloedryke ou in die sakesektor. “Ek kan nie veel sê nie, maar Michael begin met die beste bedoelings,” verduidelik Terence. En hy ken karakters – hy het al almal gespeel, van die slegte ou Denton in High Rollers (2013-2016) tot die flambojante Jerome in 7de Laan (2000-nou) en Wong met die lang hare in Erfsondes (2007-nou). Maar nou fokus hy op Generations: “Dit gaan oor uitdagings. Tussen Michael se familiedrama en oneerlike sakelui soos (Vusi Kunene) gaan hy hindernisse moet oorkom om te kry wat hy regtig wil hê,” verklap die 42-jarige.
Jy was al in SABC2- en SABC3-sepies, en nou is jy by SABC1 met Generations . . .
[Lag.] Daar is ’n paar sepies wat jy uitgelaat het. Ek was ook by e.tv as Carl in Backstage (2000-2007) en Warrick in kykNET se Binnelanders (2005-nou). Ek hou daarvan om rond te beweeg en ek is bly ek’s nou by Generations, SA se grootste sepie.
Wat bring Michael hierheen? Hy’s die Jack
uitvoerende hoof van die Infrastructure Development Bank Of South Africa en het politieke verbintenisse, maar hy’s ook ’n gesinsman wat hard werk om ’n band te vorm met sy dogters – sy trots, vreugde en dikwels sy grootste bron van frustrasie.
Hy klink baie anders as Denton en Jerome.
Baie! Hy is ’n gewone ou vasgevang in buitengewone omstandighede. Ek speel nie gewoonlik “normale” karakters nie en moes navorsing doen oor die “pak- en- das-” soort ou.
Is daar enigiets spesiaals aan Michael?
Ek praat Zoeloe, en die hoofskrywer, Collin Ollifant, het die rol vir my geskep en dis opwindend.
Is daar ’n deel van Terence in Michael?
Daar’s ’n deel van my in elke karakter. Iets wat Michael nader aan myself bring, is hy’s ’n oupa en familie is vir hom die heel belangrikste.
VERKLEURMANNETJIE
Terence het al talle rolle vertolk, maar het hy ’n gunsteling? “Die skurke is altyd beter! Komedie kan moeilik wees, want sommige mense kan die grap mis en dan kan hulle dit ‘verkeerd kry’. Ek hou daarvan om die skurk eerders as die slagoffer te speel sodat die kyker kan kies om te haat of empatie te hê.”