Showmax
Pure Genius se dokters het toegang tot hope tegnologie.
Danksy die internet-TV- diens Showmax kan jy nou een van die top- mediese dramas op jou TV, skootrekenaar, selfoon of tablet sien! Al 13 episodes van Pure Genius (2016), wat die baanbreker dokters van Bunker Hill-hospitaal volg, kan gevideostroom of afgelaai word. Die leier is James Bell (Augustus Prew), ’n miljardêr en tegno-foendi, wat die nuutste en beste masjinerie en tegnologie aan sy personeel beskikbaar gestel het om lewens te red. “James volg sy eie kop,” verduidelik Augustus. “Ek het na ander rykes, soos Steve Jobs, Mark Zuckerberg en Elon Musk, gekyk en iets van elkeen ingesluit, maar James doen gewoonlik sy eie ding.” Pure Genius het wel spoggerige, blink knoppies en hoëtegnologieraak skerms, maar daar is elemente wat met die mediese tegnologie in die regte wêreld ooreenstem, soos . . .
DRUKSTUKKE
Die dokters gebruik 3D-drukkers om enigiets van vermiste bene tot ligamente en hartkleppe te bou! • En dít gebeur in die regte lewe ook. Dele van pasiënte se skedels en kake word gedruk, asook eenvoudiger goed, soos ribbebene en heuppotjies. Chirurge kan pasiënte se kondisies noukeurig regstel en dele soos ’n legkaart laat pas.
HOU ’N OGIE
Pasiënte het hoëtegnologie horlosies wat met Bunker Hill se hoofstroom rekenaar gekoppel is. Dié horlosies stuur vroeë waarskuwings aan die hospitaal. Pasiënte se statistieke word onmiddellik teruggevoer en die personeel kan ’n probleem voorspel voor dit gebeur. • Tans kan dokters net pasiënte in die hospitaal monitor. Hulle kan dus – vir eers – pasiënte nie in reële tyd volg nie.
DIE PLEK IS ALLES
In episode 6 doen dr. Wallace (Dermot Mulroney) ’n operasie op ’n ruimtevaarder in ’n ruimtestasie. Praat van ’n buitengewone prosedure! • Snaaks genoeg, dit gebeur gereeld! Dokters hoef nie in dieselfde kamer of hospitaal te wees om ’n operasie uit te voer nie. Die toetschirurgie – “Die Lindbergh- operasie” – is in 2001 gedoen en ’n robot, wat deur ’n dokter op ’n ander vasteland beheer is, het ’n pasiënt se galblaas verwyder!
KITSDIAGNOSE
In Pure Genius kan dokters ewe maklik ’n proteïentekort bepaal as ’n gebreekte arm diagnoseer. Dis moontlik danksy kits-X-straal-masjiene waarmee dokters binne-in hul pasiënte kan sien. • As dit maar so maklik in die werklike lewe was. Tans duur dit ’n geruime tyd om sekere toetse te doen. Daar is net een manier, maar dokters weet ten minste hoe ’n voet aangeheg moet wees. ’n Slegte breek kan dis gou-gou gediagnoseer word.
ALLES OP PAPIER
In die program gebruik die dokters digitale tablette (soos iPads) om pasiënte se inligting te bêre en te bekom. Geen kontrolekaarte, papierwerk of liasseer kabinette nie! • Dit is al beproef, maar papierwerk is steeds nodig. Die versekering en mediese fondse vereis steeds vorms om die geskiedenis van die pasiënt by te hou.
WAT IS SHOWMAX?
Showmax is Afrika se grootste internet-TV- diens, met duisende reekse, flieks en dokkies wat beskikbaar is vir binge-kyk teen net R99 per maand. Jy kan soveel Showmaxreek se kyk as wat jy wil, sonder beperkings. Jy kan een maand betaal en die volgende maand jou intekening kanselleer, en dan weer inteken wanneer jy gereed is. Dit hang van jou af. Gaan na www. showmax.com om in te teken vir ’n gratis proeftyd van twee weke!