NCIS: Los Angeles
NCIS: Los Angeles (2009-nou) is die splinterreeks van ’n splinterreeks, maar dit het “daardie iets ekstra,” sê die hoofster Chris O’Donnell, wat agent G. Callen speel. Maar waar die oorspronklike reeks NCIS (2003-nou) en “moederskip-” reeks JAG (1995-2005) ook beroemde gesigte onder die spelers het, “het ons die Stad van Engele”, voeg Chris by.
1 Die reeks word net in LA verfilm, want die akteurs – soos Chris en LL Cool J (Sam Hanna) – woon in die stad. 2 Die NCIS-hoofkwartier se GPSkoördinate word dikwels in die reeks genoem en daar is ’n bootskuur [die gebou se bynaam] op die plek wanneer jy “33.974828, -118.446349” google. Die gebou huisves die roeiklub van die LA-kollege Loyola Marymount. 3 Chris en LL Cool J doen albei soggens joga voordat verfilming begin, maar om verskillende redes. Chris erken op 47 is hy oud “en joga help met soepelheid”, en die 50-jarige LL gebruik oefening om te mediteer. 4 Al sou die reeks altyd in LA afspeel, was die titel nie vooraf bepaal nie, self tydens produksie. Die oorspronklikes was NCIS: Legend, tesame met OSP: Office Of Special Projects, NCIS: OSP en NCIS: Undercover. 5 Dis tot dusver die enigste NCISreeks (insluitend NCIS: New Orleans, 2014-nou) wat 24 episodes in al nege seisoene het. 6 Tydens ’n blaaskans soos middagete speel LL en sy medester Linda Hunt (Hetty) X-box-videospeletjies. “Sy’s wild,” skerts die akteur. 7 En NCIS: LA is nie net ’n TV-reeks nie. Twee nieamptelike romans is in 2016 gepubliseer: NCIS Los Angeles: Extremis en NCIS Los Angeles: Bolthole.