’n Egskeiding en ’n onverwagte besoeker
Suidooster Maandae-Donderdae kykNET (*144) 18:30 MAART
Ian se plan om ’n kroeg in Ruiterbosch oop te maak krap baie mense om, Simon groet Danielle, en Rhafiek en Carmen staan voor ’n kruispad. AB reël ’n betoging teen Ian se kroeg, maar die Octobers baklei terug. Carmen en Rhafiek sukkel om hul hande van mekaar af te hou, Ronald is bekommerd oor Siya en Michelle wat so goed klaarkom, en Stefan wil by sy ouers met Stella gaan spog. Rhafiek reik uit na Carmen, en Zoe en Danni ding weer teen mekaar mee. Wade en Ty begin vermoed Siya en Michelle het gevoelens vir mekaar, Ciska (Amalia Uys), Carmen se vriendin, daag onverwags in Ruiterbosch op, en Stefan probeer keer dat Michelle hof toe gaan vir ’n egskeidingsbevel. Ciska laat Carmen twyfel oor die rigting wat haar lewe ingeslaan het, Ronald en Siya sit vas oor Siya se verhouding met Michelle, en Stefan probeer ná die egskeiding met sy lewe aangaan.
APRIL
Bianca wonder of sy na haar biologiese pa moet soek, Rhafiek en Carmen is terug van Kuruman af, en Eugene ( Waldemar Schultz), ’n sakeman, stuur vir Ian ’n duidelike boodskap. Michelle vermoed Stefan probeer aanbeweeg met sy lewe, en die Samsodies is gekant teen Bianca se soektog na haar pa. Ian vertel Ty wat regtig by die kroeg aangaan, en almal is bekommerd oor Stefan se beserings. Tim word by Ian en Eugene se planne betrek, Bianca ontmoet uiteindelik vir
Eben (Phillip Henn), haar pa, en worstel om hom van haar geheim te vertel. Stefan voel ál slegter, Tim voel aaklig om vir Danni te jok, en Chris voer onderhoude met nuwe huurders. Stefan praat met Michelle oor haar verhouding met Siya, AB vertel Eben wat destyds met die briewe gebeur het wat Eben vir Mymoena gestuur het, en Lee-Ann bel die polisie oor iets verdags in die sentrum.
MEI
Michelle en Siya sukkel om hul verhouding te herstel, Bianca bevraagteken Eben se motiewe, en AB bepleit sy saak by Mymoena. Eugene vra Tim se hulp, Bianca begin wonder wat haar pa se voornemens is, en Michelle besef Siya het vir haar gejok. AB doen desperate stappe om Eben van Mymoena weg te hou, en Bianca raak paniekerig wanneer Stella siek raak. Siya begaan ’n groot fout, en Tim raak verstrengel in Eugene se web van leuens en bedrog.