Knightfall
Seisoen 1 SABC3 (*193) 21:30 Drama
Die Tempelridders veg twee oorloë in die Middeleeuse drama Knightfall (2017-nou). Hulle is gestrand in Frankryk ná hulle hul vesting in die stad Acre in 1291 verloor het. Daarby is hulle die kosbare Heilige Graal kwyt, die beker wat deur Jesus by die Laaste Avondmaal gebruik is. Maar die kryger-monnike gaan nie sommer lê nie, waarsku die uitvoerende vervaardiger
Jeremy Renner (Hawkeye in die Avengers-superheldflieks, 2012-nou): “Hulle is die vloot-SEALS van hul dag en sal tot die bloedige einde veg!”
Aan die voorpunt is Landry (Tom Cullen, Guy Fawkes in die 2017-minireeks Gunpowder), ’n veteraan van die kruisvaarders. Maar dis nie net vir swaarde rondswaai nie – Tom erken sy krygsdrag is so swaar “soos om ’n agtjarige 14 uur per dag op jou rug te dra!” Landry het die moord op Frankryk se koning Philip IV (Ed Stoppard, lord Hervey in die gruwelreeks The Frankenstein Chronicles, 2015-2017) gekeer en nader aan die heerser gekom. Maar hy is “goed bekend” aan
koningin Joan (Olivia Ross, Madam Bourienne in die minireeks War & Peace, 2016), ten spyte van sy selibaatheid-eed. Vir spirituele leiding wend die ridders hulle tot pous
Bonifatius VIII (Jim Carter, Charles in die periodedrama Downton Abbey, 20102015), al is hy openlik korrup. Aan die pous se sy is die goddelose William de
Nogaret (Julian Ovenden, Jeremy in die aksiereeks Person Of Interest, 20112016), wat die koning se raadgewer is.