Leuens by die see
Rykdom en weelde, kuns en moord? Kom saam Riviera toe!
Riviera Seisoen 1 Sondae BBC First (*119) 20:00 (begin 10 Junie)
Die speelplek van die rykes in die suide van Frankryk het sy kwota misdaad en moord in Riviera (2017nou), maar dit behels biljoenêrs en sakeryke, kunsdiewe en vervalsers. Julia Stiles (Lumen in Dexter, 2006-2013) is die kunskurator Georgina, wie se ryk man Constantine (Anthony LaPaglia, Jack Malone in Without A Trace, 2002-2009) in ’n seiljag- ontploffing sterf. Dit laat haar met sy verdagte gesin – sy eksvrou Irina (Lena Olin, Irina Derevko in Alias, 2002-2006) en hul kinders: die saggeaarde
Adam (Iwan Rheon, Ramsay in Game Of Thrones, 2011-nou) wat ’n skrywer wil wees; die ongenaakbare sakeman Christos
(Dimitri Leonidas, Anwar in Sinbad, 2012); en die gekwelde jongste kind
Adriana (Roxane Duran, Laura in The Witnesses, 2014).
VROU TEEN VROU
“Die dinamika tussen Georgina en Irina is interessant,” sê Julia. “Daar is kompetisie en jaloesie, maar met ’n ooreenstemmende agenda word ons bondgenote met wedersydse respek.” Georgina se huwelik van ’n jaar met Constantine was nie so eerlik nie. “Met die ouderdomsverskil en verskil in rykdom was hul band eerder ’n intellektuele ding oor hul passie vir kuns. Maar sy vind uit dit was alles ’n leuen en deel van ’n bedrogspul,” voeg Julia by.
O, DIE GLANS
Georgina se biljoenêrvrou-klerekas slaan die asem weg en toon haar glansryke leefstyl. Riviera se klere- ontwerper Emma Fryer vertel: “Georgina se styl is klassiek, met skoon lyne en vloeiende materiaal, en eklektiese stukke uit haar verbintenis met die kunswêreld.”