Nou in Amerika
Xander troos Emma ná Zoe die kollig steel by die Hope For The Future-modevertoning, en Steffy se baba kry ’n nuwe oppasser. Bill maak seker Steffy betrap Hope en Liam in ’n kompromitterende posisie by Forrester Creations, en Bill spog by Justin nadat hy Steffy oortuig het Hope en Liam hoort saam as ’n paartjie. Steffy gaan ’n skokkende ooreenkoms met Bill aan wat tot ’n Spencer-swaardhalssnoer om haar nek kan lei, en Ridge konfronteer Bill ná hy van Steffy se hartseer gehoor het, maar hy kom Wyatt teë, wat vol twyfelagtige stories is.
DAYS
Gabi sê vir Stefan Abby is swanger nadat sy uitvind Abby beplan ’n aborsie, wat Abby dwing om aan Chad te erken hy’s nie die pa nie. Stefan smeek Abby om die baba te hou, en Victor waarsku Eve Jennifer gaan agterkom hulle het Theresa skuldig laat lyk vir die besit van dwelms. Ciara is vasbeslote om Ben te beskerm teen Hope en Rafe se ondersoek en om regshulp vir Ben te kry. John en Marlena vra Brady en Eric om van hul verskille te vergeet en hul troudag saam met hulle te vier, en Steve kry goeie nuus wanneer sy verbande afgehaal word.
Y&R
Kyle kry die oorhand by Jabot wanneer Ashley hom in beheer laat terwyl sy in Europa is, Nick en Phyllis hou hul affair stil, maar daar wag ’n nare verrassing op Nick terwyl hul verhouding uitrafel ná hul rendezvous onthul is. Devon reik uit om Hillary te troos, en hoop daar gebeur ’n wonderwerk nadat sy haar baba verloor het weens die motorongeluk wat Lily veroorsaak het, en Hilary en Devon praat oor hul herinnerings wanneer Hilary se toestand verswak. Elders is Mariah verpletter nadat sy haar meisie Tessa betrap dat sy ’n ander vrou omhels en haar uitgevang het dat sy weer jok, maar Tessa praat oor haar geheim.