Eksie-perfeksie prokureur
Charlton George vertel hoe hy begrip gekry het vir die komplekse Dolf.
Die eksentrieke prokureur Dolf Üngerer in die regsdrama Fynskrif is ’n enigma. Hy kom emosieloos voor en ly oënskynlik aan obsessief-kompulsiewe steuring. “Ek het nog nooit ’n karakter soos Dolf vertolk nie,” vertel die 55-jarige Charlton George. “Akteurs maak op hul gesigsuitdrukkings staat wat alles verklap maar omdat Dolf emosioneel afgestomp is, moes ek ’n ander manier vind om gestalte aan hom te gee.”
GEPROGRAMMEERDE ROBOT
Buiten Dolf se kliniese kilheid was dit uitdagend om sy kompulsiewe ge- dragspatrone te vertolk. “Alles wat Dolf doen is perfek. Sy pantoffels, penne en potlode word met presiesheid geposisioneer. Hy knoop selfs sy das op ’n spesifieke manier. Jy kan die man altyd deur ’n ring trek,” sê Charlton.
Eintlik is Dolf soos ’n geprogrammeerde robot, voeg hy by. “Hy beplan sy dag sodat alles seepglad verloop, anders word die mat onder hom uitgeruk. Selfs die manier waarop hy vir ’n hofsaak voorberei is soos ’n masjien.”
Charlton bieg hy is glad nie perfeksionisties nie. Om in oefening te kom vir Dolf se kompulsiewe gedrag het hy sommige dae probeer om alles net so perfek soos Dolf te doen. “Wanneer ek ontbyt geëet het, het ek soos Dolf my lepel geometries teenoor die papbord geplaas en my roosterbrood en eier sekere grade op my bord geplaas. Dit was omtrent ’n toets vir
my vermoëns!”
HIPERINTELLIGENT
Maar ondanks Dolf se eienaardige gedrag het hy kwaliteite wat hom nommerpas vir die regsberoep maak. “Dolf is bogemiddeld intelligent en het ’n lang-