America’s Got Talent
Dis ’n goeie ding die beroemde gesigte in seisoen 13 van die talentreeks America’s Got Talent (2006-nou) is dieselfde, verduidelik die aanbieder Tyra Banks: “Ons het stabiliteit en ons het ’n span beoordelaars – Simon Cowell, Mel B, Howie Mandel en Heidi Klum – wat weet wat hulle al gesien en nie gesien het nie. Dit beteken ons maak die deur oop vir splinternuwe talent.”
Daar is ’n effense herhaling, en sy’s nie eens van die VSA nie. Die 13-jarige Britse sangeres Courtney
Hadwin was verlede jaar ’n finalis in The Voice UK Kids (2017-nou) en Simon beweer haar oudisie “is die beste wat ek in al my jare en reekse op TV gesien het”.
Die Golden Buzzer is terug vir ’n vyfde agtereenvolgende seisoen, asook die gasbeoordelaars vir die Judge Cut-episodes. Hulle sal die vier vaste beoordelaars help om die deelnemers wat in die eerste oudisies geslaag het en die 72 aspirante met die helfte te verminder. “Dis baie werk,” voeg Tyra by. “Die beoordelaars sit vier dae aaneen met 18 optredes per dag. Dis nie een episode per week soos op TV nie.” Die gasbeoordelaars is ook talentvol: week 1 is dit Ken
Jeong (Ken in Dr. Ken, 20152017), week 2 Olivia Munn (Sloan in The Newsroom, 2012-2014), week 3 die sangeres Martina McBride en week 4 Chris Hardwick (aanbieder van The Talking Dead, 2011-nou), wat voor sy episode in die VSA vrygespreek is van bewerings van seksuele misbruik.