Die man vir die pos
Wanneer lyke begin ophoop soos in ’n storieboekmoord is daar net een ou vir die werk – die skrywer Richard Castle.
Castle Seisoen 1 Donderdae e.tv (*194) 20:30 (begin 20 September)
Nathan Fillion stel dit duidelik: sy karakter Richard Castle is ’n pyn in die agterwêreld in die polisieaksiereeks Castle (2009-2016): “Hy is heeltemal in die pad en irriteer almal. Hy’s ’n nuweling en daar is niks wat polisielede meer haat nie as wanneer ’n buitestander in die pad van ’n ondersoek kom.” Dit gaan ’n probleem wees vir Castle se nuwe bestiemoordspeurder Kate
Beckett (Stana Katic), want daar’s ’n reeksmoordenaar wat die romanskrywer Castle se boeke noukeurig volg en Castle is die enigste persoon wat weet watter rigting die misdadiger gaan inslaan.
TAG-SPAN
“Ja, hulle vorm ’n goeie span,” sê Stana. “Sy volg die reëls, hy buig hulle en op ’n manier los hulle die misdaad op. Dit beteken nie hulle stem altyd saam oor wat hulle doen nie, maar dit maak die reeks vermaakliker. Hulle is nie ’n kenmerkende span wat pelle is nie, veral omdat net een van hulle ’n polisielid is, maar hulle kry die werk gedoen.”
CASTLE SE SPAN
Beckett is nie die enigste polisielid op wie se senuwees Castle gaan werk nie:
Kapt. Montgomery (Ruben Santiago-Hudson, Raul in die drama Billions, 2016nou) bestuur die kantoor.
Speurder Esposito (Jon Huertas, Miguel in die drama This Is Us, 2016-nou) is ’n oudsoldaat wat die reëls volg.
Speurder Ryan (Seamus Dever, dr. Devlin in General Hospital, 1963-nou) is die hoof-dwelmpolisieman.
Dr. Parish (Tamala Jones, Robin in die drama Speechless, 2016-nou) is die span se mediese ondersoeker.
SNY DIT FYN
Stana het die rol gekry ná die vervaardigers haar en Nathan se eerste interaksie gesien het – sy’t hom gevra om haar top korter te knip. Sy was op stel ná sy teruggeroep is en die enigste bloes in die kas was heeltemal te groot en Nathan was die eerste een wat sy gesien het. “Hy wou weet of ek die woorde wou deurgaan voor ons skermtoets en ek het gevra of hy reguit kan knip,” sê die aktrise en lag.