NANCY DREW
Ná twee mislukte pogings op die grootskerm in 2002 en 2015, asook ’n TV-reeks van 13 episodes in 1995 wat niemand onthou nie, keer die tienerspeurder Nancy Drew terug na die kassie. Die produksienetwerk The CW het nog nie onthul wie die rol as die amateurspeurder gaan speel nie. Dié rol is in die 1930’s geskep as ’n vroulike teenvoeter vir The Hardy Boys-romans. Ons weet wel die aktrise vir dié rol sal 18 jaar oud wees en Nancy gaan ’n geheimsinnige moord tydens haar somervakansie ondersoek en dit gaan dalk ’n spook insluit . . . of nie.