Is daar iets anders as jou gunstelingreeks wat jou snags wakker hou? Ons is hier om jou TVprobleme op te los.
Hoekom het gesinsepies soos 7de Laan en Isidingo sulke aaklige storielyne soos moord, tronkontsnappings en prostitusie? – LOUIS, E-POS
Daar is natuurlike ontwikkelings in storielyne, en wendings en skandale is soms van die begin af beplan. Dis meer dikwels die geval met daaglikse sepies, wat bedoel is om ’n bietjie meer oordrewe te wees as ander programme. 7de Laan se groot tronkdrama in Julie is maande vooraf beplan, en die sepie kon toe karakters inbring wat van skerm af was sowel as ouer bestaande storielyne betrek, soos Emma (Bertha le Roux) wat in 2017 tronk toe gestuur is. Wat Isidingo se prostitusie-storielyn betref (sien bl. 25), is dit ’n geval om donkerder, aanstootlike eienskappe van skurke te wys wat reeds die gemeenskap in ’n nes omskep – soos Nina en Clive (Khabonina Qubeka en Stefan Ludik). Daarby is Isidingo bedag op en sensitief vir aktuele kwessies en vraagstukke wat in die samelewing voorkom, en sluit dit by hul episodes in om mense aan die praat te kry, soos tans die geval is. – Lucia, die redakteur.
SMS jou vrae na 35982 of e-pos my by lucia@media24. com