’n Bietjie liefde
Die geselsprogram Show Me Love en sy aanbieders is gereed vir gesels – en geen onderwerp is te gewigtig of gering nie!
Dis tyd dat ons vroue so ’n bietjie gesels – met ’n verskil – op Moja Love (DStv-kanaal 157). Die kletsreeks Show Me Love is propvol met alles wat jy moet weet, van leefstyl en popkultuur tot verhoudings en alles tussenin . . . plus ’n gelag, gebloos en gegiggel van die vroue op die bank.
En wie beter om op weekdae om 17:30 in jou sitkamer te verwelkom as die realiteitsaktrise, radio- DJ en glanspersoonlikheid Unathi Nkayi en die geselsradiolegende KG Moeketsi? Die nuusanker Abigail Visagie en die nuusjoernalis Nontobeko Sibisi sluit by hulle aan, en saam bring die formidabele viertal vir gehore die ware toe- drag van die dag se nuushooftrekke, die hoogte- en laagtepunte sowel as onderwerpe wat plaaslik en wêreldwyd op sosialemediaplatforms opslae maak.
As jy op soek is na iets meer persoonliks, bied die vroue iets vir jou wanneer hulle loer wat hoogmode is, tot alles wat jy moet weet oor ’n gesamentlike bankrekening vir jou en jou geliefde, en meer. Geen onderwerp is taboe vir die susterskap nie!
Kry jou daaglikse regrukker by die Show Me Love-aanbieders Maandae tot Vrydae om 17:30, met ’n bonusnaweekuitsending Saterdae om 17:00. Begin gesels en gun jouself ’n bietjie liefde!